БӘЙРӘМ БЕЛӘН! [ 27.03.2013 ]
27 март - ХАЛЫКАРА ТЕАТР КӨНЕ!
КОТЛЫЙБЫЗ! [ 25.03.2013 ]
25 МАРТ - МӘДӘНИЯТ ХЕЗМӘТКӘРЛӘРЕ КӨНЕ!
Юбилейга рәхим итегез! [ 14.03.2013 ]
Татарстанның Мәдәният Министрлыгы Сабир Өметбаев исемендәге Минзәлә дәүләт татар драма театры, театрның директоры, Татарстан Республикасының атказанган мәдәният хезмәткәре - РОБЕРТ ШӘЙМӘРДАНОВНЫҢ 50 яшь тулуына багышланган “Бер яшибез җирдә, бер туып...” дип исемләнгән юбилей кичәсенә чакыра.
Бездә кунакта: Республика театрлары, күренекле артистлар, җырчылар, композиторлар, язучы-драматурглар, якташлар, юбилярның якын дуслары һ.б.
Кичәдән соң өйләргә тарату өчен автобуслар куела.
Юбилейга рәхим итегез!
Кичә 22 мартта 18.00 сәгатьтә башлана.
Сабир Өметбаев исемендәге Минзәлә татар дәүләт драма театры “Яшерен талантлар” дигән кастинг (сайлап алу) үткәрә. [ 14.03.2013 ]
Театр сәнгатен яратучы, театр артисты булырга хыялланган
егетләр һәм кызлар игътибарына.
Сабир Өметбаев исемендәге Минзәлә татар дәүләт драма театры “Яшерен талантлар” дигән кастинг (сайлап алу) үткәрә.
Кастингны уңышлы үткән егетләр – кызлар театрга эшкә алына. Тулай торак, эш белән тәэмин ителә. Читтән торып мәдәният, театр училищесында, Казан Дәүләт мәдәният университетында уку мөмкинлеге тудырыла.
Талантлы яшьләрне көтеп калабыз.
Белешмәләр өчен телефон: 8(5555)3-24-84, 3-29-09, 3-20-38.
Безнең адрес: ТР, Минзәлә шәһәре, Муса Җәлил урамы, 19А
Эл.почта: mendram@mail.ru
Cабир Өметбаевка бюст-һәйкәл кую тантанасы [ 12.03.2013 ]
20 декабрь көнне Минзәлә шәһәрендә, театр каршында шушы данлыклы театрга нигез салучы, аның беренче режиссеры, директоры, ТАССРның атказанган сәнгать эшлеклесе Г.Тукай исемендәге Дәүләт премиясе лауреаты Сабир Өметбаевка бюст – һәйкәл кую тантанасы булды. Әлеге чарада республика театрлары вәкилләре, Татарстан мәдәният министры урынбасары Гүзәл Азат кызы Нигматуллина, район хакимият башлыгы Рәсим Мөкәрәм улы Садыков, шәһәр җәмәгатьчелеге катнашты. Бюст – һәйкәлнең авторы Халит Миннегалиев.
Яна сезон ачыла! [ 11.09.2012 ]
Кәдерле дуслар!
Театрыбыз узенең яңа сезонын 19 октябрьдә ачып җибәрә! Тунджер Джюдженоглу әсәре буенча "Ташкын" исемле куелган яңа спектакль тәкъдим ителәчәк!
Бүгенге көндә коллектив җиң сызганып әлеге әсәр өстендә эшли, репетиция ясый. .
Безнең спектакльләребезгә рәхим итегез!
Казанда Кәрим Тинчурин исемендәге театр фестивале узачак. [ 11.09.2012 ]
Юбилеебызга рәхим итегез! [ 02.12.2011 ]
16 декабрьдә Минзәлә театры үзенең 75 еллык юбилеен билгеләп үтәчәк.
Чара район мәдәният йортында узачак. Бәйрәмгә республикабыздан бик күп мәртәбәле кунаклар, җитәкчеләр, язучылар килер дип көтелә.
Программада котлаулар, концерт һәм эстрада номерлары, театрыбызның популяр спектакльләреннән өзекләр күрсәтеләчәк. Бу көнне ТРның халык артисты М.А.Кичубаевка, ТРның атказанган артисты Р.Н.Шакировага, СССРның атказанган, ТАССРның халык артисты А.С.Фәсхетдиновка, ТАССРның халык артисты Р.М.Мәрдехановка, ТРның халык артисты Ф.З.Бәдриев турында истәлек итеп мемориаль такталар урнаштырылу тантанасы булачак.
Бәйрәм 18.00 да башлана.
Сезон ачыла! [ 20.09.2011 ]
7 октябрь көнне Минзәлә театры үзенең 76 сезонын “Буйдаклар” премьера комедиясе белән ачып җибәрәчәк. Әлеге әсәрнең авторы Әбү Бәкер псевдонимлы яңа драматург. Әсәрнең нигезендә өйләнмәгән, буйдак тормыш алып баручы ир-атлар тормышы. Рольләрдә ТРның халык артистлары Хафиз Хамматуллин, Венера Нигъматуллина, артистлар Илдар Насибуллин, Әлфидә Теряева, Эльвира Хәйретдинова һ.б. һ.б. Әсәрне сәхнәгә ТРның атказанган сәнгать эшлеклесе Фаил Ибраһимов куя, композитор ТРның атказанган сәнгать эшлеклесе Вәсим Әхмәтшин, рәссам Булат Ибраһимов. Башлана 18.00.
"Нәүрүз" халыкара фестивалендә кунакта (фоторепортаж) [ 07.06.2011 ]
30 май – 3 июнь көннәрендә башкалабыз Казанда унынчы “Нәүрүз” халыкара фестивале булып узды. Театр коллективлары фестивальга Россиянең 9 төбәгеннән һәм 8 чит илдән килгән. Якутия, Төркия, Әзербайҗан, Молдовия, Дагестан, Казахстан, Кыргызстан, Төркмәнстан, үзебезнең Рәсәйдән һәм Татарстан театрлары белән берлектә Минзәлә театры кунак буларак чыгыш ясады. Әле күптән түгел генә Минзәләлеләргә премьерасы күрсәтелгән Л.Воронның “Акча! Акча? Акча...” комедиясе фестиваль кунакларына һәм тәнкыйтьчеләргә тәкъдим ителде.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
