ТУГАН КӨНЕГЕЗ КОТЛЫ БУЛСЫН! [ 15.04.2013 ]
15 апрельдә Сабир Өметбаев исемендәге Минзәлә татар дәүләт драма театрының талантлы артисты ИЛДУС ВӘДҮТ улы ХӘЛИУЛЛИННЫҢ туган көне.
ТУГАН КӨНЕГЕЗ КОТЛЫ БУЛСЫН! [ 11.04.2013 ]
11 апрельдә Сабир Өметбаев исемендәге Минзәлә татар дәүләт драма театрының талантлы артисткасы ЛӘЙСӘН РАФФАК кызы ӘХМӘТШИНАНЫҢ туган көне.
“МУЛЛА” СПЕКТАКЛЕНЕҢ РЕПЕТИЦИЯЛӘРЕ БАРА [ 08.04.2013 ]
Театрыбызда “Мулла” спектакленең репетицияләре гөрләп бара. Театрның яшь һәм талантлы, “Тантана” премиясе лауреаты - Закиров Ильяс Гомәр улы Мулла ролен башкарачак. Налимә роленә талантлы, иң гүзәл артисткабыз Миннемуллина Илсинә Илшат кызы керде.
Яшь артистларыбыз ярдәмендә спектакльдә яшьлек энергиясе тагын да артты.
Спектакльне иң беренчеләре булып 17 апрель көнне Казан тамашачылары күрер.
Спектакль К.Тинчурин исемендәге драма һәм комедия театрында 17 апрель көнне сәгать 18:30 була.
Спектакльгә рәхим итегез!
ТУГАН КӨНЕГЕЗ КОТЛЫ БУЛСЫН! [ 08.04.2013 ]
9 апрельдә Сабир Өметбаев исемендәге Минзәлә татар дәүләт драма театрының талантлы артисткасы Чулпан Мөнир кызы Бәдретдинованың туган көне.
ИГЪТИБАР! [ 08.04.2013 ]
Минзәлә театрында хезмәт һәм пожар куркынычсызлыгы инженеры, художник-бутафор, кассир, "Д" һәм "С" категорияле машина йөртүчеләр, администратор вакансияләре буш.
Безнең дус коллективыбызга рәхим итегез!
Уфа "Нур" театры Минзәлә һәм Актанышка килә. [ 05.04.2013 ]
Уфа “Нур” татар дәүләт театры 15 апрельдә Актаныш Мәдәният йортына,
16 апрельдә Минзәлә Мәдәният йортына Х.Ибраһимовның “Җизнәкәй” комедиясе белән килә.
Спектакльләр Мәдәният йортында 19:00 сәгатьтә башлана.
Билет бәясе 200-250 сум.
МИНЗӘЛӘ ТЕАТРЫ УФА ҺӘМ КАЗАНГА ГАСТРОЛЬЛӘР БЕЛӘН ЧЫГЫП КИТӘ [ 30.03.2013 ]
Минзәлә театры коллективы 1,2 апрельдә Уфа шәһәрендә “Нур” татар дәүләт драма театры бинасында Әхәт Гаффарның “Бер картлыкта, бер яшьлектә”, Әбү Бәкернең “Буйдаклар” һәм Түнҗәр Җуҗәноглуның “Ташкын” спектакльләрен күрсәтә.
15,16,17 апрельдә К.Тинчурин исемендәге татар дәүләт драма һәм комедия театры бинасында Түнҗәр Җуҗәноглуның “Ташкын”, Туфан Миңнуллинның “Мулла”, Әхәт Гаффарның “Бер картлыкта, бер яшьлектә”, Гаяз Исхакыйның "Сөннәтче бабай" спектакльләрен куя Кичке спектакльләр 18:30 , көндезге спектакльләр 12:00 башлана.
Халык театрларының 13 нче Республика «Идел-йорт» фестиваленең зона туры [ 29.03.2013 ]
5-7 апрельдә театрда
ХАЛЫК ТЕАТРЛАРЫНЫҢ 13 НЧЕ РЕСПУБЛИКА «ИДЕЛ-ЙОРТ» ФЕСТИВАЛЕНЕҢ ЗОНА ТУРЫ узачак.
5 АПРЕЛЬДӘ Мөслим Районы мәдәният йорты татар халык театры
Туфан Миңнуллинның “Диләфрүзгә дүрт кияү” исемле музыкаль комедиясен күрсәтә.
Режиссеры Зөлфия Фәхретдинова.
Башлана кич 19.00 сәгатьтә.
6 АПРЕЛЬДӘ Актаныш районы Сәфәр авылы мәдәният йорты
татар халык театры
Рузилә Җамалиеваның “Изге имән шаһит” мелодрамасын куя .
Режиссеры Алисә Хәлиуллина
Башлана кич 19.00 сәгатьтә.
7 АПРЕЛЬДӘ Башкортостан Республикасының Кызыл Кама районы
мәдәният йорты татар халык театры
Анна Богачеваның “Тормыш – арба” драмасын күрсәтә.
Режиссеры Редик Ганиев.
Башлана көндез 14.00 сәгатьтә.
7 АПРЕЛЬДӘ Сарман районы мәдәният йорты татар халык драма театры
Нәбирә Гыйматдинованың “Елан” драмасын куя.
Режиссеры Аэлита Тимергалина.
Башлана кич 19.00 сәгатьтә.
Билет бәясе зурларга - 80сум,
студентларга – 50 сум.
Спектакльләрдән соң өйләргә тарату өчен автобуслар куела.
СПЕКТАКЛЬЛӘРГӘ РӘХИМ ИТЕГЕЗ!
«Хәйрияче - 2012 ел» [ 28.03.2013 ]
2013 елның 25 март көнне Республиканың «Хәйрияче - 2012 ел» конкурсында күпсанлы хәйриячелек эшләре өчен театр диплом белән бүләкләнде.
Дипломны Татарстан Республикасының Дәүләт Советы Председателе Мөхәмәтшин Ф.Х. тапшырды.
Роберт Шәймәрданов Сабир Өметбаев исемендәге премия лауреаты [ 28.03.2013 ]
22 нче март көнне театрда театрның директоры, Татарстан Республикасының атказанган мәдәният хезмәткәре - Роберт Шәймәрдановның 50 яшь тулуына багышланган “Бер яшибез җирдә, бер туып...” дип исемләнгән юбилей кичәсе узды.
Бәйрәмгә Татарстан Республикасы Мәдәният министрлыгының авторлар хокуклары һәм сәнгатьне үстерү бүлеге башлыгы – Сәләхова Зөлфирә Якуб кызы, Республика театрлары, күренекле артистлар, җырчылар, композиторлар, язучы-драматурглар, якташлар, юбилярның якын дуслары һ.б. җыелган иде.
Татарстан Республикасы мәдәният министры Сибагатуллин Айрат Миннемуллович приказы белән Роберт Шәймәрдановка Сабир Өметбаев исемендәге премия тапшырылды.
Юбилейда Татарстан Республикасының Президент Аппараты җитәкчесе Ю.З.Камалтыновның, Татарстан дәүләт Советы депутаты, татар язучысы, шагыйрь, күренекле җәмәгать һәм сәясәт эшлеклесе Р.И.Валеевның котлау хатлары укылып китте.
Шулай ук Минзәлә районы башлыгы Р.М.Садыков юбилярны тәбрик итте.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
