Минзәлә театры артистлары өлкәннәрне бәйрәм белән котлый [ 03.10.2013 ]
ТУГАН КӨНЕГЕЗ КОТЛЫ БУЛСЫН! [ 24.09.2013 ]
25 сентябрьдә Сабир Өметбаев исемендәге Минзәлә татар дәүләт драма театрының талантлы артисткасы ЭЛЬМИРА ИЛФАК кызы ӘХМӘТХАНОВАның туган көне.
МИНЗӘЛӘДӘ "АВЫЛ ЯШЬЛӘРЕ" VIII ҖӘЙГЕ АВЫЛ СПОРТ УЕННАРЫ [ 18.09.2013 ]
ТУГАН КӨНЕГЕЗ КОТЛЫ БУЛСЫН! [ 17.09.2013 ]
21 сентябрьдә Сабир Өметбаев исемендәге Минзәлә татар дәүләт драма театрының талантлы артисткасы ЭЛЬВИРА МУЛЛАНУР кызы ХӘЙРЕТДИНОВАның туган көне.
МИНЗӘЛӘ ТЕАТРЫ ЭШКӘ ЧАКЫРА [ 11.09.2013 ]
Минзәлә театрында "Д" категорияле машина йөртүче, администратор, машинист сцены, әдәби бүлек мөдире, программист вакансияләре буш.
Безнең дус коллективыбызга рәхим итегез!
ТУГАН КӨНЕГЕЗ КОТЛЫ БУЛСЫН! [ 05.09.2013 ]
7 сентябрьдә Сабир Өметбаев исемендәге Минзәлә татар дәүләт драма театрының талантлы артисткасы РӘЗИЛӘ МИРХӘТ кызы МУЛЛИНАның туган көне.
МИНЗӘЛӘ ТЕАТРЫНДА ГАСТРОЛЬЛӘР БАШЛАНДЫ [ 28.08.2013 ]
Минзәлә театры артистлары, җәйге яллардан чыгып, Әбү Бәкернең “Буйдаклар”, Ә.Гаффарның “Бер картлыкта, бер яшьлектә” спектакльләре белән Актаныш районына гастрольгә чыгып китте.
Мәктәпкә әзерләнергә ярдәм ит! [ 28.08.2013 ]
Татарстан Республикасында 1-25 август көннәрендә уздырылучы “Мәктәпкә әзерләнергә булыш!” хәйрия акциясе аз керемле һәм күп балалалы гаиләләргә, инвалид балаларга ярдәм йөзеннән оештырыла. Минзәләдә яшәүче беренче сыйныфка укырга керүче бала канцелярия товарлары, дәфтәрләр, хезмәт һәм рәсем дәресләре кирәк-яраклары тутырылган сумкаларга ия булачак.
“Мәктәпкә әзерләнергә булыш” хәйрия акциясендә, Минзәлә театры коллективы да актив катнашты. Акция кысаларында, булачак беренче сыйныф укучыларына канцелярия товарлары җыеп бирде.
ИҖАТКА ЯШЬЛӘР КИЛӘ [ 26.08.2013 ]
ТУГАН КӨНЕГЕЗ КОТЛЫ БУЛСЫН! [ 16.08.2013 ]
24 август көнне Сабир Өметбаев исемендәге Минзәлә татар дәүләт драма театрының радиоэлектроцех бүлеге мөдире ДЕНИС ВЛАДИМИР улы ИВАНОВның туган көне!
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
