ЯҢА ЕЛ БӘЙРӘМЕНӘ РӘХИМ ИТЕГЕЗ! [ 09.12.2014 ]
Сабир Өметбаев исемендәге Минзәлә татар дәүләт драма театры Яңа ел бәйрәменә заявкалар кабул итә.
Программада:
“Морозко” балалар өчен яңа ел әкияте.
Фойеда “Веселый карнавал” тамашасы.
Бәйрәм чаралары 2014 елның 22 декабреннән 31 декабренә кадәр үткәреләчәк.
Башлану вакыты: 10:00, 13:00, 15:00, 17:00.
Шәхси кешеләргә билетлар театр кассасында һәм вахтада сатыла.
Рәхим итегез!
79 НЧЫ ТЕАТРАЛЬ СЕЗОН АЧУ ТАНТАНАСЫНА РӘХИМ ИТЕГЕЗ!!! [ 18.11.2014 ]
21 ноябрьдә 18:00 сәгатьтә Сабир Өметбаев исемендәге Минзәлә татар дәүләт драма театры үзенең 79 театраль сезонын Кәрәй Мәргән әсәре буенча куелган “Шомбай” комедиясе белән ача.
Режиссеры – Дамир Самерханов - Минзәлә театрының баш режиссеры. Баш рольдә – Ильяс Закиров "Тантана" театраль премиясе лауреаты. Рольләрдә Татарстанның халык артисты, Сабир Өметбаев исемендәге премия лауреаты Рөстәм Муллин, Татарстанның халык артисты, Сабир Өметбаев исемендәге премия лауреаты, "Тантана" театраль премиясе лауреаты Венера Нигъмәтуллина, Татарстанның халык артисты, Сабир Өметбаев ис.премия лауреаты Хафиз Хамматуллин, Татарстанның халык артисты, Дамир Сираҗиев исемендәге премия лауреаты, Сабир Өметбаев исемендәге премия лауреаты Рәзилә Муллина, ТРның атказанган артисты Гөлшаһидә Сәлахова, Татарстанның атказанган артисты Әлфидә Теряева һәм театрның барлык иҗади труппасы.
Спектакль синхрон рәвештә рус теленә тәрҗемә ителә.
Спектакльдән соң тамашачыларны шәһәрнең өч юнәлешендә автобуслар кайтарып куя.
Спектакльгә рәхим итегез!
"Шомбай" спектакленә рәхим итегез. [ 31.10.2014 ]
Театр белгече Дания Гыймранова якты дөньядан китте [ 29.10.2014 ]
С.Өметбаев исемендәге Минзәлә татар дәүләт драма театры дирекциясе һәм коллективы ТРның атказанган сәнгать эшлеклесе, С.Өметбаев исемендәге премия лауреаты, театр белгече һәм тәнкыйтьчесе Дания Әхәт кызы Гыймранова вафат булу сәбәпле, гаиләсенең, туганнарының, якыннарының авыр кайгысын уртаклаша.
Традицион ярышларлар узды. [ 29.10.2014 ]
Остазның туган көнендә [ 17.10.2014 ]
ТУГАН КӨНЕГЕЗ БЕЛӘН КОТЛЫЙБЫЗ!!! [ 17.10.2014 ]
ЯҢАЛЫКЛАР [ 16.10.2014 ]
ТУГАН КӨНЕГЕЗ БЕЛӘН КОТЛЫЙБЫЗ! [ 16.10.2014 ]
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
