ИГЪТИБАР! [ 25.03.2020 ]
Хөрмәтле тамашачылар!
Илдәге эпидемиологик хәл аркасында 2020 елның 15 апреленә кадәр спектакьләр күрсәтелми.
Әмма без катлаулы вәзгыятьтә дә сезне куандырырлык яңа мөмкинлекләр табарга тырышабыз.
Сылтамалар буенча узып, Сез безнең спектакльләрнең видеоязмаларын карый аласыз.
Туган көнегез белән котлыйбыз! [ 24.03.2020 ]
24 мартта Сабир Өметбаев исемендәге Минзәлә татар дәүләт драма театрының талантлы артисты ЗИННУРОВ РӨСТӘМ ИЛҺАМ улының туган көне.
"ТЕАТР КӨНЕ" - 2020 [ 23.03.2020 ]
Халыкара театр көне 1961 елдан бирле билгеләп үтелә. 27 мартта бөтен дөнья буйлап театр фестивальләре уза, тематик күргәзмәләр һәм бәйрәм спектакльләре оештырыла. Россиядә ел саен "Театр көне" акциясе үткәрелә. Бу көнне премьера спектакльләре күрсәтелә, премияләр тапшырыла, тамашачыларны актерлар белән очрашырга һәм сәхнә артын карарга чакыралар.
"ТАНТАНА" ТЕАТРАЛЬ ПРЕМИЯCЕНЕҢ ОНЛАЙН-ТРАНСЛЯЦИЯСЕ [ 23.03.2020 ]
Кадерле тамашачылар! 27 март 19 сәгатьтә X Республика "Тантана" театраль премиясен тапшыру церемониясе узачак.
«Тантана» 2020 театр премиясе номинантлары билгеләнде. [ 19.03.2020 ]
16 мартта Татарстан Республикасы мәдәният Министрлыгының «Тантана» 2020 театр премиясе комиссиясе утырышы узды. Анда 10 номинациядә номинантлар исемлеге билгеләнде.
ИГЪТИБАР! [ 17.03.2020 ]
Татарстан Республикасы Министрлар Кабинеты санитар-эпидемиягә каршы комиссиясенең 2020 нче елның 13 нче мартындагы 19 нчы номерлы «Яңа коронавирус инфекциясен кертүне һәм таратуны киметү буенча өстәмә чаралар турындагы» карары чыгуга бәйле рәвештә, С. Өметбаев исемендәге Минзәлә татар дәүләт драма театрында 2020 елның 15 апреленә кадәр спектакьләр күрсәтелми.
ПРЕМЬЕРАГА РӘХИМ ИТЕГЕЗ!!! [ 11.03.2020 ]
2020 елның 25 мартында 19.00 сәгатьтә
Татарстан Республикасының театр дөньясы тарихында беренче тапкыр
С. Өметбаев исемендәге Минзәлә дәүләт татар драма театры сәхнәсендә
БӘЙРӘМ БЕЛӘН!!! [ 07.03.2020 ]
Театр тормышы [ 02.03.2020 ]
Минзәлә театры хезмәткәрләре кыш тәмамлануны символлаштырган, Көнчыгыш славяннарының фольклорыннан «Май чабу», ә безнеңчә көнкүреш теленә кереп калган “Кыш озату” бәйрәмендә катнаштылар.
Туган көнегез белән котлыйбыз! [ 01.03.2020 ]
1 март көнне Татарстан Республикасының Халык артисты ВЕНЕРА ФӘЙЗҮЛӘХӘТ КЫЗЫ НИГМӘТУЛЛИНАНЫҢ туган көне
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
