ТЕАТРГА ЯҢА АРТИСТ КИЛДЕ. [ 22.08.2015 ]
Быелгы сезонда Минзәлә театрына артист булып эшкә Алабуга мәдәният һәм сәнгать училищесын тәмамлап Ильнар Әхмәтҗанов кайтты. Былтыр 3 артист, ә быел 4 артистыбыз Казан Дәүләт мәдәният һәм сәнгать институтына читтән торып укырга керделәр.
МИН ТАЛАНТЛЫ! [ 22.08.2015 ]
Балалар хокукларын яклау буенча Россия Федерациясе Президенты каршындагы вәкиле Павел Астаховның “Я талантлив” – “Мин талантлы” дигән акциясен Мәгариф һәм Фән министрлыгы хуплап чыгып җирле идарә башлыкларына бу чараларны уздырырга рекомендацияләр җибәргән иде. Чөнки һәр бала талантлы, аны вакытында күреп алып үстерергә кирәк, дип саный П.Астахов.
Минзәлә театр артистлары Илсинә Миңнемуллина, Илдус Кәримов, Язгөл Хәбибуллина, Рания Хәлимовалар Эльмира Гәрәева язган сценарий буенча шушы акция кысаларында балалар бакчасына йөрүчеләрне артист һөнәре белән таныштырып, алар белән якыннан аралашып - спектакльләрдән өзекләр күрсәтеп, җырлы-биюле уеннар үткәреп, грим салу серләрен өйрәтеп бик күңелле һәм файдалы очрашулар уздырдылар.
Театр – иҗади ритмда. [ 22.08.2015 ]
С.Өметбаев исемендәге Минзәлә татар дәүләт драма театры коллективы бу җәйдә чагыштырмача азрак ял итте. Төп сәбәпләренең берсе – сентябрь аенда “Театр .Чехов. Ялта” фестиваленә Кырымга, Ялтага бару. Икенчедән, яңа сезонга яңа премьералар чыгачак – Р.Сабырның “Ишәк чумары”(“Шишка”) комедиясе, Ф.М.Достоевскийның “Абыйның төше”(“Дядюшкин сон”) фантасмагориясе, О.Уайльдның “Йолдыз малай”(“Мальчик звезда”) балалар өчен әкияте.
Туган көнегез белән котлыйбыз! [ 09.07.2015 ]
11 АВГУСТ көнне Сабир Өметбаев исемендәге Минзәлә татар дәүләт драма театрының талантлы артисты ИЛДУС КӘРИМОВның туган көне.
Сезгә ихлас күңелдән исәнлек-саулык, бәхет, иҗади уңышлар, яңадан- яңа рольләр, озак еллар дәвамында театр сөючеләрне куандырып яшәвегезне телибез!
Иң изге теләкләр белән, театр коллективы
Туган көнегез белән котлыйбыз! [ 09.07.2015 ]
11 АВГУСТ көнне Сабир Өметбаев исемендәге Минзәлә татар дәүләт драма театрының талантлы артисты ГӨЛИНӘ ГАРИФУЛЛИНАның туган көне.
Тәбриклибез сезне туган көнегез
белән!
Бәйрәмегез матур көннәр, изге
хәбәрләр, шатлыклы
яңалыклар гына алып килсен.
Бүгенге шат, сәламәт, бәхетле
елмаюыгыз сезне беркайчан да
ташламасын.
Иң изге теләкләр белән, театр коллективы
Туган көнегез белән котлыйбыз! [ 09.07.2015 ]
30 июль көнне Сабир Өметбаев исемендәге Минзәлә татар дәүләт драма театрының режиссеры АЛЬБЕРТ САХАБУТДИНОВның туган көне.
Сезне туган көнегез белән котлап, иң изге,
якты, матур теләкләрне юллыйбыз:
көчле рухлы һәм кешелекле,
юмарт һәм ярдәмчел,
бәхетле һәм сәламәт булыгыз!
Ныклы тазалык, озын гомер, ак бәхетләр
белән мул тормышта яшәвегезне телибез!
Иң изге теләкләр белән,
театр коллективы
Туган көнегез белән котлыйбыз! [ 09.07.2015 ]
26 ИЮЛЬ көнне Сабир Өметбаев исемендәге Минзәлә татар дәүләт драма театрының талантлы артисты РӨСТӘМ МУЛЛИНның туган көне.
Һәрчак шулай саф
күңелле, сердәшче, тугры
ярдәмче, үз һөнәрен яхшы
белгән хезмәт өлгесе булып
озын - озак еллар яшәвегезне
телибез. Сәламәтлек, җан-тән
тынычлыгы һәм бәхетләр сезгә
ихлас күңелдән.
Иң изге теләкләр белән, театр коллективы
Туган көнегез белән котлыйбыз! [ 09.07.2015 ]
18 ИЮЛЬ көнне Сабир Өметбаев исемендәге Минзәлә татар дәүләт драма театрының талантлы артисты ӘЛФИДӘ ТЕРЯЕВАның туган көне.
Уй-теләкләрегез тиң, туар таңнарыгыз тыныч,
саулыгыгыз ныклы, гомерегез бәхетле булсын!
Гаилә шатлыгы, балаларыгызның, якыннарыгызның
игелеген күреп яшәргә язсын Ходай!
Иң изге теләкләр белән, театр коллективы
Туган көнегез белән котлыйбыз! [ 09.07.2015 ]
9 ИЮЛЬ көнне Сабир Өметбаев исемендәге Минзәлә татар дәүләт драма театрының талантлы артисты РАУШАНИЯ ГАЛИУЛЛИНАның туган көне.
Озын булсын сезнең гомерегез,
Тыныч булсын һәрчак күңелегез.
Бәхет чишмәләрегез мул аксын,
Зур шатлыклар белән таң атсын!
Иң изге теләкләр белән,
театр коллективы
79 нчы театраль сезон ябылды! Киләсе сезонда очрашканга кадәр! [ 02.07.2015 ]
Сабир Өметбаев исемендәге Минзәлә татар дәүләт драма театры үзенең 79 нчы театраль сезонын япты. Артистлар җәйге ялга китте.
Кадерле тамашачылар, Киләсе сезонда очрашканга кадәр!
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
