Театр тормышы [ 12.01.2016 ]
2016 елның 26 апрелендә татар халкының бөек шагыйре Габдулла Тукай тууына 130 ел була. С.Өметбаев исемендәге Минзәлә татар дәүләт драма театры бу куренекле вакыйгага “Тапкыр кәҗә “ турында әкият (Г. Тукайга ияреп) әзерли башлады.
ТУГАН КӨНЕГЕЗ БЕЛӘН КОТЛЫЙБЫЗ! [ 30.12.2015 ]
1 НЧЕ ГЫЙНВАРДА Сабир Өметбаев исемендәге Минзәлә татар дәүләт драма театрының талантлы артисты ИСРАФИЛОВ ӘХНӘФНЕҢ туган көне.
ЯҢА ЕЛ БЕЛӘН!!! [ 30.12.2015 ]
КАДЕРЛЕ ДУСЛАР!
Ихлас күңелдән сезне
якынлашып килгән Яңа 2016 ел белән тәбрик итәбез!
Маймыл гына түгел, фиксиклар да килгән Минзәләгә [ 29.12.2015 ]
Башка еллардагы кебек үк, быел да С.Өметбаев исемендәге Минзәлә татар дәүләт драма театры балалар өчен искиткеч Яңа ел тамашасы әзерләгән. Тамаша гадәттәгечә ике урында – сәхнәдә һәм фойеда бара.
Яңа ел бүләге [ 29.12.2015 ]
Матур традиция буенча Минзәлә театры һәр елны балаларны Яңа ел әкиятләре белән сөендерә. Быелгы “Снегурочка” әкияте һәм “Фиксики” дип аталган чыршы тирәли тамаша 65(!) тапкыр уйналды.Шәһәр һәм авыллардан килгән балалар гына түгел, аларның әти –әниләре дә бик канәгатъ калдылар. 2016 елның беренче көннәрендә дә, каникуллар вакытында , әлеге Яңа ел әкиятен кабат күрсәтәчәкбез.
Театрның 80 еллыгын каршылап. [ 29.12.2015 ]
Минзәлә театрының 80 еллык юбилее көне 2016 елның 8 апреленә билгеләнде. Шушы уңайдан зур премьера – Ш.Камалның “Хаҗи әфәнде өйләнә”комедиясе сәхнәләштереләчәк. Режиссеры – театрның баш режиссеры Дамир Сәмерханов. Зур күләмле классик әсәрдә барлык артистларыбыз да катнашачак.
Грантка ия булдык. [ 29.12.2015 ]
Безнең театр Татарстан Республикасының Театр Әһелләре Берлеге биргән грантына ия булды. Ул Бертольд Брехтның “Галилейның тормышы” драмасын сәхнәләштерү өчен махсус бирелде. Әсәрнең режиссеры – Дамир Сәмерханов. Рәссамы – Минзәлә театрының баш рәссамы, РФнең һәм Калмыкиянең атказанган сәнгать эшлеклесе Валерий Яшкулов.
Куанычлы хәбәр [ 21.12.2015 ]
Татарстан Республикасы хөкүмәтенең грантлары белән С.Өметбаев исемендәге татар дәүләт драма театры директоры, Татарстанның атказанган мәдәният хезмәткәре, С.Өметбаев исемендәге премия лауреаты Роберт Шәйхильевич Шәймәрданов “Иң яхшы җитәкче” номинациясендә; артист, “Тантана” театраль премиясе лауреаты Ильяс Закиров “Перспектива” номинациясендә бүләкләнделәр.
Җитәкчебезне һәм артистыбызны зур бүләкләре белән котлыйбыз!
Яңа уңышлар,сәламәтлек теләп калабыз.
Юбилеегыз уңаеннан кайнар котлыйбыз!!! [ 18.12.2015 ]
19 декабрьдә Татарстанның халык артисткасы , Минзәлә театрында 37 ел иҗат иткән олуг шәхес Илүсә Әхмәт кызы Бадриевага 75 яшь тула.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
