Премьера! [ 17.02.2016 ]
Равил Сабыр әсәре буенча театрның баш режиссеры Дамир Сәмерханов сәхнәгә куйган эш вариантында “Ишәк чумары” дигән комедиянең премьерасы март башында булачак. Рольләрдә – ТРның халык артистлары, С.Өметбаев исемендәге премия лауреатлары Хафиз Хамматуллин, Венера Нигъмәтуллина, ТРның атказанган артистлары Эльмира Гәрәева, Әлфидә Теряева һәм бер төркем яшьләр. Әсәрнең яңа исемен кабат анонсларбыз
Шагыйрьнең 110 еллыгына [ 17.02.2016 ]
Республиканың Муса Җәлил исемендәге премиясе лауреаты буларак Минзәлә театры февраль ахырында Балтач районы Карадуган авылының Себер тракты тарихы һәм Муса Җәлил исемендәге музее җитәкчелеге чакыруы буенча шагыйрьнең 110 еллык юбилеена багышлап зур күләмле очрашу кичәсе уздыра. Театрыбыз артистлары Муса Җәлилнең шигырьләре, җырлары, аның турында истәлекләр белән мәктәп укучылары, Балтач районы интеллигенциясе каршында чыгыш ясаячак. Музейга бүләк итеп театр махсус альбом, буклетлар, 75 еллыкка чыккан китапларны әзерләде.
Театр яңалыклары [ 12.02.2016 ]
С.Өметбаев исемендәге Минзәлә татар дәүләт драма театрының баш режиссеры Дамир Сәмирхәнов, театр директоры Роберт Шәймәрдәнов, артисткалар Эльмира Гәрәева, Венера Нигмәтуллина М.Сәлимҗанов исемендәге Актерлар йортында узган ТР Театр әһелләре берлегенең VII хисап-сайлау съездында катнаштылар. ТР Театр әһелләре берлегенең рәисе итеп кабат Фәрит Бикчәнтәев сайланды.
Котлыйбыз! [ 10.02.2016 ]
Татарстан Республикасының Премьер- министры Илдар Халиков Минзәлә муниципаль районы Советы сессиясендә катнашып бер төркем хезмәткәрләргә хөкүмәт бүләкләре тапшырды.
С.Өметбаев исемендәге Минзәлә татар дәүләт драма театры артисткасы Гәрәева Эльмира Хәмәтхәлил кызына “Татарстан Республикасының атказанган артисты” дигән мактаулы исем бирелде.
Хезмәттәшебезне чын күңелдән котлыйбыз, яңа иҗади уңышлар телибез.
Ирнең асылы эштә таныла. [ 09.02.2016 ]
Инде онытылып беткән жигуле транспорт - карета ясаган оста куллы шәхес белен аралашырга туры килде. Тыйнак холыклы, узе турында сөйләргә һич яратмый, hәp сүзне авызыннан тартып алырга кирәк.
Театр тормышы [ 09.02.2016 ]
Сабир Өметбаев исемендәге Минзәлә татар дәүләт драма театры артистлары О. Уайльд әсәре буенча куелган "Йолдыз егет" спектакле белән гастрольләргә китте. Режиссеры А. Сәхәбетдинов .
Габдулла Тукайның юбилеена [ 16.01.2016 ]
Бөек татар шагыйре Габдулла Тукайның 130 еллыгы уңаеннан
безнең театр классикның “Кәҗә белән Сарык”әкиятенә нигезләнеп Р.Сәхәбетдинова инсценировкалаган “Тапкыр Кәҗә турында әкият” дигән курчак спектаклен сәхнәләштерә. Режиссеры – Альберт Сәхәбетдинов.Югары профессиональ дәрәҗәдә эшләнгән курчаклар белән артистларыбыз репетицияләрне башладылар.
Хәерле эшләр. [ 16.01.2016 ]
С.Өметбаев исемендәге Минзәлә татар дәүләт драма театры коллективы яңа елны үзенең иң яхшы спектакльләрен күрсәтүдән башлады. 5 гыйнварда “Йолдыз егет”, 6 гыйнварда көндез “Снегурочка”әкиятләре,кич өлкән аудитория өчен Ф.М.Достоевскийның “Абзыйның төше”мистик драмасы, 8 гыйнварда “Дүрт дус”әкияте, 9 гыйнварда ике сеанс “Снегурочка” әкияте – шуның берсе коррецион мәктәп – интернатында укучы балаларга хәйрия спектакле буларак күрсәтелде. Нәни дусларыбыз да, өлкәннәр дә спектакльләребезне яратып кабул итте.
ТУГАН КӨНЕГЕЗ БЕЛӘН КОТЛЫЙБЫЗ! [ 16.01.2016 ]
16 гыйнварда Сабир Өметбаев исемендәге Минзәлә татар дәүләт драма театрының талантлы артисты, "Тантана" театраль премиясе лауреаты - ЗАКИРОВ ИЛЬЯСНЫҢ туган көне.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
