Күңелдәге кояш - Әлфия. [ 30.05.2016 ]
Чистай каласы гөж килә. “Спектакль булмас инде, артистлары вафат, килә алмаслар”-дигән сүзләр йөри. Билетлар сатылып беткән. 1935 елда Чистайда оешкан театрның Минзәлә шәһәренә күчүенә дә 38 елга якын гомер узган . Ә халык хәтере нык, алар онытмый. Үз театрлары итеп каршылый Чистай тамашачысы Минзәләләрне. Коллектив та зур җаваплылык белән сынау тотарга килә бу калага. Мөнәсәбәтләр ике якныкы да изге.
Татар мәдәнияте зур югалту кичерә. [ 27.05.2016 ]
25 майда каты авырудан соң 74нче яшендә Татарстанның атказанган сәнгать эшлеклесе, сәнгать белеме фәннәре кандидаты, театр тәнкыйтьчесе Игъламов Рәүф Мәхмүт улы вафат булды. С.Өметбаев исемендәге Минзәлә татар дәүләт драма театры коллективы Рәүф Игъламовның улы, Г.Камал исемендәге Татар дәүләт Академия театрының әдәби бүлек мөдире Нияз Игъламовның, тормыш иптәше Әдилә Әхмәт кызының, туганнарының, якыннарының тирән кайгысын уртаклаша.Театрыбызның якын дусты, киңәшчесе турында якты истәлекләр йөрәкләрдә мәңге сакланыр.
Театр тормышыннан [ 20.05.2016 ]
Сабантуй – халкыбызның яраткан һәм көтеп алган бәйрәмнәренең берсе, ул безнең традицияләрнең сакланышын һәм буыннар бердәмлеген символлаштыра.
Минзәлә район Сабантуенда безнең театр һәр елны катнаша һәм аның бер бизәге булып халык күңелендә кала. Быел да Сабантуена репетицияләр башланып китте, яңа төрле чыгышыбыз тамашачыга сюрприз булыр дип уйлыйбыз.
«Исәннәрнең кадерен бел, үлгәннәрнең каберен бел » [ 19.05.2016 ]
Сабир Өметбаев исемендәге Минзәлә татар дәүләт драма театры коллективы якты дөньядан киткән артистларның каберләрен зиярат итеп, алар рухына дога кылып, каберләрен тәртипкә китереп кайттылар.
Габдулла Кариевның тууына 130 ел [ 16.05.2016 ]
14 май көнне – Нурлат районы Кулбай-Мораса авылы Мәдәният сараенда Габдулла Кариевның тууына 130 ел тулуга багышланган әдәбият һәм сәнгать бәйрәме узды. Бу бәйрәмдә С.Өметбаев исемендәге Минзәлә татар дәүләт драма театры коллективы да катнашты. Театрыбызның артистлары К.Мәргәннең “Шомбай” спектакленнән өзек күрсәтеләр.
Туган көнегез белән котлыйбыз! [ 16.05.2016 ]
16 май көнне Сабир Өметбаев исемендәге Минзәлә татар дәүләт драма театрының баш режиссеры Дамир Мөдәрис улы Сәмерхановның туган көне
Шагыйрьнең юбилеена [ 12.05.2016 ]
9 Май - Бөек Җиңү көне [ 11.05.2016 ]
Тугызынчы май - искә алу көне дә , кайгы көне дә, Бөек Җиңү көне дә. Минзәлә шәһәрендә бәйрәм тантаналары рәвештә Ленин исемендәге паркта үтте. 7 меңнән артык минзәләлеләр килде бирегә. Бу зур бәйрәмдә С.Өметбаев исемендәге Минзәлә татар дәүләт драма театры коллективы ”Концлагерьлар тоткыннары” дип исемләнгән театральләштерелгән чыгыш белән катнашты. Артистларның тетрәндергеч уены күпләрнең күзләрен яшьләндерде. Быелгы Җиңү бәйрәменең бизәге булды ул.
Хәйрия концерты [ 10.05.2016 ]
2016 елның 6 маенда С.Өметбаев исемендәге Минзәлә татар дәүләт драма театрында хәйрия кысаларында Бөек Ватан сугышында җиңүнең 71 еллыгына багышланган бәйрәм концерты узды. Театр артистлары көче белән әзерләнгән концерта сугыш еллары җырлары һәм шигырьләре яңгырады. Ветераннар, тыл хезмәтчәннәре һәм сугыш чоры балалары котлаулар кабул иттеләр һәм рәхәтләнеп концерт карадылар.
ЮБИЛЕЕГЫЗ КОТЛЫ БУЛСЫН! [ 06.05.2016 ]
6 май көнне Сабир Өметбаев исемендәге Минзәлә татар дәүләт драма театрының талантлы артисты, Татарстаның халык артисты, Сабир Өметбаев ис.премия лауреаты ХАФИЗ ХӘНИФ улы ХАММАТУЛЛИНның туган көне.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
