Сайлаулар уңаеннан. [ 18.08.2016 ]
Сентябрьдә узачак сайлау алды программалары кысаларында Минзәлә театры Актаныш, Мөслим, Сарман, Азнакай, Баулы,Алабуга, Менделеевск,Минзәлә шәһәрләрендә һәм авылларда, Җәләил эшчеләр поселогында, Урыссуда Г.Исхакыйның “Сөннәтче бабай” спектаклен күрсәтә.
Яшь көчләр кайтты. [ 18.08.2016 ]
Бу сезонда театрга Казан дәүләт мәдәният институтын тәмамлап Индира Гайфуллина, Алабуга мәдәният һәм сәнгать көллиятен тәмамлап Нәфис Гайфуллин, Зөлфирә Шәмсетдинова һәм Инсаф Әлмөхәммәтовлар кайтты. Яшьләргә инде беренче рольләр дә бирелде.
Тагын бер сөенечле вакыйга – Армия сафларыннан Ерак Көнчыгышта хезмәт итеп ике егетебез –Раушан һәм Рөстәм Зиннуровлар исән – сау әйләнеп кайтып эшкә керештеләр.Аларны нәни тамашачыларыбыз “Чуртан кушуы буенча”, “Морозко” әкиятләре буенча белә.
Иҗатка чумдык [ 18.08.2016 ]
С.Өметбаев исемендәге Минзәлә татар дәүләт драма театры коллективы җәйге яллардан эшкә чыкты һәм театрның 80 еллыгы уңаеннан махсус куелырга планлаштырылган К.Тинчуринның “Каракүз” музыкаль мелодрамасына репетицияләрне башлады.Әлеге пьеса моңарчы бер театрда да куелмаган. Вакыйга иске Шәрык шәһәрендә бара. Каракүз исә – ярлы, ләкин бик чая рьҗырчы, биюче кыз исеме. Әсәрне сәхнәгә Әтнә театрының баш режиссеры Рамил Фазлыев куя. Композиторы Эльмира Галимова. Спектакльдә театрның иҗат труппасы тулаем катнаша
Туган көнегез белән котлыйбыз! [ 26.07.2016 ]
26 июль көнне Сабир Өметбаев исемендәге Минзәлә татар дәүләт драма театрының талантлы артисты, Татарстанның халык артисты - РӨСТӘМ ХАН улы МУЛЛИНның туган көне.
ЮБИЛЕЕГЫЗ КОТЛЫ БУЛСЫН! [ 18.07.2016 ]
18 июль көнне Сабир Өметбаев исемендәге Минзәлә татар дәүләт драма театрының талантлы артисты, Татарстанның атказанган артисты ӘЛФИДӘ ТЕРЯЕВАның юбилее.
Туган көнегез белән котлыйбыз! [ 11.07.2016 ]
9 ИЮЛЬ көнне Сабир Өметбаев исемендәге Минзәлә татар дәүләт драма театрының талантлы артисты РАУШАНИЯ ГАЛИУЛЛИНАның туган көне.
Яңартылган традиция [ 08.07.2016 ]
С.Өметбаев исемендәге Минзәлә татар дәүләт драма театры коллективы җәйге ялларга китәр алдыннан районның Дружба авылы янындагы су буендагы матур бер урында театрның сабантуен уздырды. Шунысы кызыклы, 1999 елда, әле республика театрлары сабантуйлары уздырылмаган вакытта ук, директорыбыз Р.Ш.Шәймәрданов безне беренче тапкыр бирегә алып килеп сабантуе үткәргән иде.
Туган көнегез белән котлыйбыз! [ 01.07.2016 ]
1 ИЮЛЬ көнне Сабир Өметбаев исемендәге Минзәлә татар дәүләт драма театрының талантлы артисты, ТРның атказанган артисты ЭЛЬМИРА ГӘРӘЕВАның туган көне.
АНОНС! [ 30.06.2016 ]
6 июльдә С. Өметбаев исемендәге Минзәлә татар дәүләт драма театры
15.00 сәгатьтә
О.Уайльдның балалар өчен
«Йолдыз егет» әкиятен күрсәтә 0+
Белешмәләр өчен тел.3-20-43, 3-29-37, 3-24-84.
Билет бәясе: балаларга – 100 сум
Зурларга – 150 сум
Спектакльгә рәхим итегез!
Яңа клубта беренче спектакль [ 28.06.2016 ]
25 июнь көне Тупач авылында яшәүчеләрнең күбесе өчен гомерлек матур хатирә булып калыр, мөгаен. Чөнки бу көнне әле күптән түгел генә ачылган өр-яңа иҗтимагый үзәктә беренче зур мәдәни чара узды. С. Өметбаев исемендәге Минзәлә татар дәүләт драма театры артистлары авыл халкына «Кирәкле кишер яфрагы» сатирик комедиясен уйнап күрсәттеләр.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
