Спектакльгә рәхим итегез! [ 18.08.2020 ]
Татарстан Республикасы Министрлар Кабинетының "Татарстан Республикасында яңа коронавирус инфекциясе таралуны булдырмау чаралары турында "2020 елның 19 мартындагы 208 номерлы карарына үзгәреш кертү хакында" 2020 елның 15 августындагы 687 номерлы карары нигезендә"
С.Өметбаев исемендәге Минзәлә татар дәүләт драма театры спектакльләр күрсәтә башлый.
“Солдат хатыны” [ 14.08.2020 ]
С.Өметбаев исемендәге Минзәлә татар дәүләт драма театрында Николай Анкилов әсәре буенча режиссер Дамир Сәмерханов сәхнәгә куйган “Солдат хатыны” драмасы театрның худ.советына тапшырылды.
Уеннар узды [ 13.08.2020 ]
С.Өметбаев исемендәге Минзәлә театры артистлары Илсинә Миннемуллина, Рания Җиһаншина, Чулпан Бәдретдинова, Гүзәл Хамматуллиналар УЕН ФЕСТ (Uen Fest) проекты кысаларында балалар белән татар халкының кызыклы уеннарын оештырды.
ИГЪТИБАР! [ 13.08.2020 ]
Хөрмәтле тамашачылар!
Вконтакте челтәрендәге "Мензелинск news - Мензеля-информ" битендә «Спектакльләрне сагындыгызмы?» дигән аноним-тавыш бирү уза.
“Җәмилә” дөнья күрде [ 11.08.2020 ]
С.Өметбаев исемендәге Минзәлә татар дәүләт драма театрында Чынгыз Айтматовның “Җәмилә” повесте буенча шул исемдәге мелодрама театрның худ.советына тапшырылды.
Театр тормышы [ 10.08.2020 ]
С.Өметбаев исемендәге Минзәлә театрында Н.Анкилов әсәре буенча «Солдат хатыны» спектакленә репетицияләр дәвам итә.
Спектакльнең режиссеры - Дамир Самерханов
Пластика һәм хореография буенча режиссер - Чулпан Аскарова
Художник - Сергей Рябинин.
Театр тормышы [ 04.08.2020 ]
САБИР ӨМЕТБАЕВ ИСЕМЕНДӘГЕ МИНЗӘЛӘ ДӘҮЛӘТ ТАТАР ДРАМА ТЕАТРЫНДА
Н.АНКИЛОВНЫҢ "СОЛДАТ ХАТЫНЫ" ДРАМАСЫНА,
Ч.АЙТМАТОВНЫҢ "ҖӘМИЛӘ" МЕЛОДРАМАСЫНА
РЕПЕТИЦИЯЛӘР БАРА. СПЕКТАКЛЬЛӘР ҖИҢҮНЕҢ 75 ЕЛЛЫГЫНА БАГЫШЛАНГАН.
Туган көнегез белән котлыйбыз! [ 28.07.2020 ]
28 июль көнне Сабир Өметбаев исемендәге Минзәлә татар дәүләт драма театрының талантлы артисты Мазитов Илнур Рәшит улының туган көне.
Туган көнегез белән котлыйбыз! [ 09.07.2020 ]
9 июль көнне Татарстан Республикасының атказанган артисты РАУШАНИЯ РӘИФ кызы ГАЛИУЛЛИНАның туган көне
Мәдәният министры И. Әюпова Минзәлә таетрында [ 09.07.2020 ]
Татарстанның мәдәният министры Ирада Әюпова 7 июль көнне Минзәлә таетрына килде.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
