ТЕАТРДА ХЕЗМӘТ КҮРСӘТҮНЕҢ СЫЙФАТЫН БИЛГЕЛӘҮ БУЕНЧА СОРАШТЫРУ! [ 19.01.2017 ]
Кадерле тамашачыларыбыз, театрның эшчәнлеген һәм театрдагы хезмәт күрсәтүнең сыйфатын билгеләү максатыннан сезнең өчен сораштыру уздырырга булдык.
Сораштыруга битараф калмассыз дип уйлыйбыз!
Җавапларны 7 баллы система нигезендә һәм комментарий буларак безнең Кунакханә бүлегендә http://minzalateatr.ru/gb/ калдыра аласыз! Сораштыруда катнашуыгыз өчен алдан ук зур рәхмәт!
АНОНС!!! [ 19.01.2017 ]
2017 елның 6 мартында 18.00 сәгатьтә С.Өметбаев исемендәге Минзәлә татар дәүләт драма театры бинасында К.Тинчурин әсәре буенча куелган “Каракүз” музыкаль кыйссасы күрсәтелә. 12+
Билет бәясе: 200 сум
Билетлар таратучыларда һәм театр вахтасында
Белешмәләр өчен тел. 3-20-43, 8-960-081-53-70, 3-29-37, 3-24-84.
Спектакльгә рәхим итегез!
АНОНС!!! [ 19.01.2017 ]
2017 елның 14 февралендә 18.00 сәгатьтә С.Өметбаев исемендәге Минзәлә татар дәүләт драма театры бинасында А.Коровкин әсәре буенча куелган “Түтиләр” сатирик комедиясе күрсәтелә. 12+
Билет бәясе: 200 сум
Билетлар таратучыларда һәм театр вахтасында
Белешмәләр өчен тел. 3-20-43, 8-960-081-53-70, 3-29-37, 3-24-84.
Спектакльгә рәхим итегез!
М.Ш.Шәймиевның китабын презентацияләү тантанасы [ 16.01.2017 ]
2017 елның 18 январендә 17.00 сәгатьтә Сабир Өметбаев исемендәге Минзәлә татар дәүләт драма театры бинасында Татарстанның беренче Президенты, данлыклы шәхес М.Ш.Шәймиевның 80 еллык юбилее уңаеннан чыгарылган
И.Цыбульский, Н.Шайдуллинаның
“Минтимер Шаймиев”
дигән китабын презентацияләү тантанасы була.
Керү ирекле.Рәхим итегез!!!
Туган көнегез белән котлыйбыз! [ 16.01.2017 ]
16 гыйнварда Сабир Өметбаев исемендәге Минзәлә татар дәүләт драма театрының талантлы артисты, "Тантана" театраль премиясе лауреаты - ЗАКИРОВ ИЛЬЯС ГӨМӘР улының туган көне.
Туган көнегез белән котлыйбыз! [ 30.12.2016 ]
1 НЧЕ ГЫЙНВАРДА Татарстан Республикасының атказанган артисты ИСРАФИЛОВ ӘХНӘФ МУЛЛАГАЛИ улының туган көне.
Кадерле коллегалар, дуслар! [ 30.12.2016 ]
Сезне ихлас күңелдән Яңа 2017 ел белән тәбрик итәбез! Яңа ел яңа өметләр, яңа хыяллар, үзегезгә һәм якыннарыгызга ныклы сәламәтлек, күңелле яңалыклар, шатлык-сөенечләр, чиксез уңышлар алып килсен!
Яңа ел тамашалары зур уңыш белән бара [ 28.12.2016 ]
Киләсе ел символы Әтәч, мультфильм герое Angry Birds чыршы тирәли балаларны сәламли... С.Өметбаев исемендәге Минзәлә татар дәүләт драма театрында сәхнәдә “Почтальон Кар бабай”, чыршы янында “Миньоннар һәм башкалар” тамашасы бу көннәрдә зур уңыш белән бара. Килгән кунакларыбыз бездә күңелле ял итеп китәләр. Тамашаларыбызга рәхим итегез! Билетлар сатыла
Дәүләт Думасы җыелышында булды [ 20.12.2016 ]
2016 елның 19 декабрендә Мәскәүдә Россия Федерациясе Дәүләт Думасының Федераль Җыелышында Бөтенсоюз “Бердәм Россия” политик партиясе оештырган “Муниципаль дәрәҗәдә театраль һәм мәдәни – ял итү эшчәнлегенә ярдәм итү һәм аны үстерү” дигән темага парламент тыңлаулары булды. Кече шәһәр театрлары мәсъәләләренә кагылышлы бу мөһим җыелышта Татарстан мәдәният министры А.М.Сибагатуллин белән бергә С.Өметбаев исемендәге Минзәлә татар дәүләт драма театры директоры Р.Ш.Шәймәрданов катнашты.
Кадерле минзәләлеләр һәм районыбыз кунаклары! [ 17.12.2016 ]
С.Өметбаев исемендәге Минзәлә татар дәүләт драма театры Сезне Яңа ел каникулларын күңеллерәк итеп үткәрергә үзенә кунакка чакыра. Бу көннәрдә сезгә түбәндәге иң яхшы спектакльләребезне тәкъдим итәбез:
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
