АНОНС!!! [ 10.02.2017 ]
2017 елның 6 мартында 18.00 сәгатьтә С.Өметбаев исемендәге Минзәлә татар дәүләт драма театры бинасында А.Коровкин әсәре буенча куелган “Түтиләр” сатирик комедиясе күрсәтелә. 12+
Билет бәясе: 200 сум
Билетлар таратучыларда һәм театр вахтасында
Белешмәләр өчен тел. 3-20-43, 8-919-646-32-13, 3-29-37.
Спектакльгә рәхим итегез!
Хөрмәтле дуслар! [ 08.02.2017 ]
Сабир Өметбаев исемендәге Минзәлә татар дәүләт драма театры дирекциясе, коллективы, туганнары һәм якыннары исеменнән, безнең кадерлеләребез – Татарстанның атказанган артисты Эльмира Гәрәева һәм артистка Эльмира Әхмәтхановаларның фаҗигале төстә һәлак булулары сәбәпле, күрсәткән мораль һәм матди ярдәмегез өчен, Сезгә зур рәхмәтебезне җиткерәбез.
Мондый олы кайгыларны беркемгә дә күрергә язмасын. Эльмираларыбызның якты истәлеге күңелләребездә һәрчак сакланыр.
Туган көнегез белән котлыйбыз! [ 07.02.2017 ]
7 февральдә Сабир Өметбаев исемендәге Минзәлә татар дәүләт драма театрының талантлы артисткасы Хәбибуллина Язгөл Мансур кызының туган көне.
Бүген Минзәлә артистларын озату була [ 04.02.2017 ]
4 февраль көнне фаҗигале төстә вафат булган Минзәлә татар дәүләт драма театры артистларын җирләү була.
Әхмәтхәнова Эльмира Илфак кызын төшкә(обед) кадәр Актаныш районы Иске Байсар авылында җирлиләр.
Гәрәева Эльмира Хәмәтхәлил кызын төштән соң Минзәлә шәһәрендә җирлиләр.
ЗУР ЮГАЛТУ [ 03.02.2017 ]
2017 елның 3 февралендә иртән 7.30 сәгатьтә Минзәлә татар дәүләт драма театры артистлары, Татарстанның атказанган артисты Гәрәева Эльмира Хәмәтхәлил кызы , артистка Әхмәтхәнова Эльмира Илфак кызы, фаҗигале төстә вафат булдылар. Артистларны озату 4 февраль көнне була. Вакытын һәм урынын өстәмә хәбәр итәрбез.
Туган көнегез белән котлыйбыз! [ 31.01.2017 ]
31 январьдә Сабир Өметбаев исемендәге Минзәлә татар дәүләт драма театрының талантлы артисты Гайфуллин Нәфис Наил улының туган көне.
Туган көнегез белән котлыйбыз! [ 24.01.2017 ]
24 январьдә Сабир Өметбаев исемендәге Минзәлә татар дәүләт драма театрының талантлы артисты ЗИННУРОВ РАУШАН РИФАТ улының туган көне.
Туган көнегез белән котлыйбыз! [ 23.01.2017 ]
23 гыйнварда Сабир Өметбаев исемендәге Минзәлә татар дәүләт драма театрының директоры, Татарстанның атказанган мәдәният хезмәткәре, Сабир Өметбаев исемендәге премия лауреаты ШӘЙМӘРДАНОВ РОБЕРТ ШӘЙХЕЛ УЛЫНЫҢ туган көне.
Хөрмәтле Минтимер Шәрипович! [ 20.01.2017 ]
Сабир Өметбаев исемендәге Минзәлә татар дәүләт драма театры дирекциясе һәм коллективы исеменнән Сезне олуг юбилеегыз уңаеннан кайнар котлыйбыз.
Минзәлә театры һәрчак Сезнең ярдәмне, Сезнең терәкне тоеп яши. Театр сәнгатен тирәнтен аңлаган, аны үз канаты астына алган җитәкче белән Минзәлә генә түгел, республиканың барча театрлары да горурлана. Бүген безнең коллектив Сезнең җиңел кул белән реставрацияләнгән бинада иҗат итә, яңа үрләр яулый.
Барлык игелеклерегез үзегезгә кайтсын, саулык – сәламәтлек телибез Сезгә, хөрмәтле Минтимер Шәрипович! Гаиләгезгә, балаларыгызга, оныкларыгызга, илебезгә иминлек теләп калабыз!
Бөек шәхес Минтимер Шәймиевка 80 яшь тулу уңаеннан үткәрелгән чара [ 20.01.2017 ]
С.Өметбаев исемендәге Минзәлә татар дәүләт драма театры бинасында Татарстанның Беренче Президенты, Республиканың Дәүләт Киңәшчесе Минтимер Шәймиевның тормыш юлын тасвирлаган Игорь Цыбульский һәм Нурсөя Шәйдуллина авторлыгында “Минтимер Шәймиев. Биография продолжается...” документаль китабын тәкъдир итү кичәсе узды.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
