Туган көнегез белән котлыйбыз! [ 05.05.2017 ]
6 май көнне Сабир Өметбаев исемендәге Минзәлә татар дәүләт драма театрының талантлы артисты, Татарстаның халык артисты, Сабир Өметбаев ис.премия лауреаты ХАФИЗ ХӘНИФ улы ХАММАТУЛЛИНның туган көне.
Хәйрия спектакле [ 05.05.2017 ]
С.Өметбаев исемендәге Минзәлә татар дәүләт драма театры Бөек Җиңү бәйрәме уңаеннан 4 майда
А. Коровкинның “Түтиләр”
хәйрия спектаклен күрсәтте.
Хәйрия спектакле [ 27.04.2017 ]
С.Өметбаев исемендәге Минзәлә татар дәүләт драма театры Бөек Җиңү бәйрәме уңаеннан 4 майда, 15.00 сәгатьтә
А. Коровкинның “Түтиләр”
сатирик комедиясе хәйрия спектаклен күрсәтә. Керү пенсия кенәгәләре буенча. Рәхим итегез!
Эльмира Галимованың иҗат кичәсендә [ 26.04.2017 ]
“Каракүз” музыкаль кыйссасының композиторы Эльмира Галимованың иҗат кичәсендә Каракүз ролен башкарган “Тантана” театраль премиясе дипломанты артистка Динара Акматова, Д.Сираҗиев исемендәге премия лауреаты Ринат Бәдретдинов, артистлар Раушан Зиннуров, Индира Гайфуллиналар катнашты. Яшь композиторның киләчәге зур,алдагы эшләре өметле, Минзәлә театры белән элемтәләре өзелмәсен, дигән теләктә калабыз.
Тукай ае дәвам итә. [ 26.04.2017 ]
Бөек татар шагыйре Габдулла Тукайның 130 еллыгы уңаеннан узган ел махсус сәхнәләштерелгән “Тапкыр Кәҗә турында әкият” курчак спектакле, 24 апрельдә Балтач район үзәгендә 715 (!) баланы җыйды. Берсеннән – берсе ипле, чиста- пөхтә, тәрбияле нәни балтачлылар Тукайның шигырьләрен югары дәрәҗәдә сөйләп, тормышы һәм иҗаты буенча викторина сорауларына актив җавап биреп безне таң калдырдылар. Район мәгариф бүлеге, мәдәният бүлеге, район администрациясе гастрольләребезне оештыруда зур ярдәм күрсәтте.
Татарстан халыклары съезды [ 24.04.2017 ]
22 апрель көнне Казанда Татарстан халыклары съезды үтте. Минзәлә муниципаль районы делигациясе составында С.Өметбаев исемендәге татар дәүләт драма театры директоры Р.Ш.Шәймәрдәновта бар иде
Театр тормышы [ 24.04.2017 ]
С.Өметбаев исемендәге Минзәлә татар дәүләт драма театрыннан ТРның халык артисты Хафиз Хамматуллин катнашында өч “аучы” Н.Перовның “Охотники на привале” картинасын “Татпотребсоюз” үткәргән зур чарада җанландырдылар.Бу картина Татарстан Президенты Р.М.Миннехановның да күңеленә хуш килгән, фотоларын үзенең инстаграмына куйган.
Уңышлы гастрольләр [ 20.04.2017 ]
14 апрельдә Башкортостанның башкаласы Уфа шәһәрендә, 19 апрельдә Яр Чаллы шәһәрендә А.Коровкинның “Түтиләр” сатирик комедиясен тамашачы бик яратып карады. Аеруча Яр Чаллы халкы кабат- кабат чакырып калды,алга таба чаллылыларны янәдән сөендерү мөмкинлеге булыр, дип ышанабыз.
Удмуртиянең Можга шәһәре дә 19 апрельдә“Түтиләр”не карап хозурланды.
Туры эфирда [ 18.04.2017 ]
Сабир Өметбаев исемендәге Минзәлә татар дәүләт драма театры артистлары Чулпан Бәдретдинова һәм “Тантана” театраль премиясе лауреаты Ильяс Закиров Яр Чаллы шәһәренең “Күңел” радиосында турыдан – туры эфирда радио тыңлаучылар белән аралашты.Кич С.Садыйкова исемендәге концертлар залында “А.Коровкинның “Түтиләр” сатирик комедиясе уйналу уңаеннан сүз күбрәк шул турыда барды.Артистлар үзләренең театрга килү тарихы, рольләре, режиссерлар хакында сөйләде, шалтыратучыларга җавап бирде.
Язгы өмә [ 17.04.2017 ]
С.Өметбаев исемендәге татар дәүләт драма театры коллективы 8 һәм 15 апрель көннәрендә үзләренә беркетелгән К.Маркс һәм М. Җәлил урамнарын, “Театральный” скверын җыештыру буенча өмәләр үткәрде. Безнең театр бу көннәрдә шау-гөр килеп торды. Һәркем тирә-якны чистартып, тәртипкә китерү өстендә эшләде. Кардан ачылып бетмәгән урыннарда кар тараттык, кипкән җирләрне тырмалап, себереп чүпләрдән арындырдык. Барысына да өлгереп бетә алмасак та күп эш башкарылды, ә алда әле безне тагын өмәләр көтә...
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
