Театр тормышыннан [ 16.09.2020 ]
Сабир Өметбаев исемендәге Минзәлә татар дәүләт драма театры агымдагы сезонда федераль программа буенча ике спектакль планлаштырган иде. Шуларның чираттагысы, Кәрим Тинчуринның “Казан сөлгесе” музыкаль комедиясенең премьерасы 1 октябрьдә булачак. Әсәр ТАССРның 100еллыгына багышлана, артистлар труппасы тулысынча катнаша. Режиссеры – Уфадан Зиннур Сөләйманов, рәссамы – Мәскәүдән Зилия Канчурина, композиторы – Уфадан Илшат Яхин, пластика буенча режиссер – Уфадан Чулпан Аскарова.
ТИЗДӘН!!!! ПРЕМЬЕРА!!! [ 16.09.2020 ]
1 октябрь 2020 ел 19.00 сәгатьтә
С. Өметбаев исемендәге Минзәлә татар дәүләт драма театрында
ПРЕМЬЕРА!!!
ТАССРНЫҢ 100 еллыгына БАГЫШЛАНГАН
К.ТИНЧУРИН
“КАЗАН СӨЛГЕСЕ”
музыкаль комедия 12+
Сабыегыз тууы белән чын күңелдән тәбрик итәбез!!! [ 15.09.2020 ]
Хөрмәтле Зилия һәм Ильяс!
Сабир Өметбаев исемендәге Минзәлә татар дәүләт драма театры коллективы исеменнән Сезне сабыегыз тууы белән чын күңелдән тәбрик итәбез.Бүгеннән сез Җир йөзендәге иң бөек исем –әти белән әни исеменә лаек булдыгыз.Моны сезгә нәни мәхәббәт җимешегез бүләк итте. Нәниегез тормышыгызның иң нәфис ,иң кадерле чәчкәсе булып ,тормышыгызга ямь,мәхәббәтегезгә — көч,сафлык өстәп,сау-сәламәт,зирәк акыллы булып үссен! Сезгә сабыегызны тәрбияләүдә түземлелек ,чын әти-әниләр акылы телибез. Үзегезгә һәм сабыегызга тыныч,аяз күк йөзе гомерлек юлдаш булсын!
АНОНС!!! [ 10.09.2020 ]
С.Өметбаев исемендәге Минзәлә дәүләт татар драма театры үзенең YouTube-каналында архив спектакльләрен күрсәтүен дәвам итә.
Минзәлә районы хезмәтчәннәренә «ТАССР төзелүгә 100 ел» истәлек билгесе тапшырылды [ 10.09.2020 ]
Районыбызда республикабызның социаль-икътисадый, мәдәни үсешенә үз өлешләрен керткән хезмәтчәннәр шактый.
Людмила Рыбакова- Минзәлә театрында [ 08.09.2020 ]
Татарстан Республикасы Дәүләт Советы рәисенең мәгариф,мәдәният,фән һәм милли мәсьәләләр буенча урынбасары, “Бердәм Россия” партиясе әгъзасы, безнең куратор Людмила Рыбакова Минзәлә театры эше белән танышты,иҗади труппа белән очрашты.
Мәдәният министрыннан Мактау граматолары [ 07.09.2020 ]
С.Өметбаев исемендәге Минзәлә татар дәүләт драма театры узган ел үзешчән коллективлар арасында театраль фестиваль уздырды.
Туган көнегез белән котлыйбыз! [ 07.09.2020 ]
7 сентябрь көнне С.Өметбаев исемендәге Минзәлә татар дәүләт драма театрының талантлы артисткасы РАНИЯ ИЛДАР кызы ХАЛИМОВАның туган көне.
Туган көнегез белән котлыйбыз! [ 07.09.2020 ]
7 сентябрь көнне Татарстанның халык артисты, Сабир Өметбаев һәм Дамир Сираҗиев исемендәге премияләр лауреаты РӘЗИЛӘ МИРХӘТ кызы МУЛЛИНАНЫҢ туган көне.
Бөек Җиңүгә багышлап. [ 28.08.2020 ]
С.Өметбаев исемендәге Минзәлә татар дәүләт драма театры Бөек Җиңүнең 75 еллыгына багышлап чыгарылган Н.Анкиловның “Солдат хатыны” драмасы белән Минзәлә районы буйлап киң колачлы гастрольләрен башлап җибәрде. Югары Тәкермән авылындагы спектакль алдыннан театр директоры Роберт Шәймәрданов авыл халкына мөрәҗәгать итеп “Озакка сузылган чикләүләрдән соң иң беренче итеп үзебезнең Минзәлә районы тамашачысына хезмәт күрсәтәбез. Зур югалтулар хисабына бирелгән җиңү көнен онытырга хакыбыз юк” – диде. “Солдат хатыны “н Николаевка, Дәвек, Тауасты Байлар, Наратлы Кичү, Воровский, Хүҗәмәт авылы, Минзәлә шәһәре халкы караячак.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
