Туган көнегез белән котлыйбыз! [ 13.12.2017 ]
13 декабрьдә Сабир Өметбаев исемендәге Минзәлә татар дәүләт драма театрының талантлы артисткасы Сөмбел Илшат кызы Шәмсетдинованың туган көне.
Юбилейга рәхим итегез! [ 11.12.2017 ]
22 декабрь 2017 ел 18.00 сәгатьтә С.Өметбаев исемендәге Минзәлә татар дәүләт драма театрында Татарстанның халык артисты Рөстәм Муллинның юбилей кичәсе
Аншлаг белән узды [ 21.11.2017 ]
С.Өметбаев исемендәге Минзәлә татар дәүләт драма театрының иң соңгы премьераларыннан берсе – А.Н.Островскийның “Яшенле яңгыр”(“Гроза”) драмасы ,режиссеры Зиннур Сөләйманов, театр сәхнәсендә тагын бер кат аншлаг белән узды. Кайбер тамашачыларыбызга билетлар җитми дә калды.Бу атнаның җомгасында күрсәтеләчәк Х.Җәвитнең “Иблис”(“Дьявол”) трагедиясенә, режиссеры Сергей Потапов, билетлар шулай ук сатылып бетте.
“Һөнәр”гә җыенабыз
13 декабрьдә Казанда IX Бөтенроссия “Һөнәр” яшь татар режиссурасы фестивалендә А.Н.Островскийның “Яшенле яңгыр” (“Гроза”) драмасы белән, режиссеры Зиннур Сөләйманов, Минзәлә театры Г.Камал исемендәге татар дәүләт Академия театрының Зур сәхнәсендә чыгыш ясаячак.
Матурлык орлыгы җимешләре [ 20.11.2017 ]
С.Өметбаев исемендәге Минзәлә татар дәүләт драма театры дирекциясе артист һәм режиссер Альберт Сәхәбетдинов истәлегенә балалар театр фестивале үткәрү турында шәһәр һәм район җәмәгатъчелегенә мөрәҗәгатъ итеп , Минзәлә театры сәхнәсендә А.Сәхәбетдинов куйган әкиятләр буенча рәсем һәм эшләнмәләр конкурсы игълан иткән иде. Балалар театр сезоны 30 ноябрьдә ачыла, 1-2 декабрьдә дәвам итеп, 2 декабрь көнне барлык тапшырылган эшләр нәтиҗәсе буларак җиңүчеләрне бүләкләү тантанасы узачак.
Театр гастрольләре [ 17.11.2017 ]
С.Өметбаев исемендәге Минзәлә татар дәүләт драма театры О.Уайльдның “Йолдыз егет”әкияте һәм А.Коровкинның “Түтиләр” сатирик комедиясе белән Татарстанның Иске Зәй посёлогы, Зәй шәһәре, Марий-Эл республикасының Йошкар –Ола, Звенигово шәһәрләреннән гастрольләрдән кайтты.
17 ноябрьдә А.Н.Островскийның “Яшенле яңгыр”(“Гроза”) драмасы, 24 ноябрьдә Х.Җәвитнең “Иблис” (“Дьявол”) трагедиясе Минзәләдә күрсәтеләчәк. Спектакльләргә билетлар саны бик аз калды.
Минзәлә театрының яңа дуслык күперләре арта. [ 17.11.2017 ]
Урал аръягының үзәге булган Башкортостан Республикасының Сибай шәһәренә 14 сәгатьлек юлга очраклы гына чыгып китеп булмас иде.Россия Федерациясендә дүртенче ел рәттән уздырыла торган “Большие гастроли”дип исемләнгән федераль программа төрле регионнарда эшләүче театрларның бер – берсенә алмаш гастроль оештырып, иҗатлары белән уртаклашу, яңа тамашачы аудиториясен үзенә җәлеп итү максатыннан хөкүмәт тарафыннан финанслана – юл, гостиница расходларына акча бирелә.
КОТЛЫЙБЫЗ!!! [ 08.11.2017 ]
Хөрмәтле Роберт Шәйхильевич!
Сабир Өметбаев исемендәге Минзәлә татар дәүләт драма театры коллективы исеменнән Сезне Марсель Сәлимҗанов исемендәге премиягә лаек булуыгыз белән ихлас күңелдән котлыйбыз!
Киләчәктә Сезгә саулык – сәламәтлек, җан тынычлыгы, эшегездә уңышлар теләп калабыз.
Котлыйбыз! [ 28.10.2017 ]
Татарстан Республикасының Президенты Указы нигезендә С.Өметбаев исемендәге Минзәлә татар дәүләт драма театры артисткасы Галиуллина Раушания Раиф кызына “Татарстан Республикасының атказанган артисты” дигән мактаулы исем бирелде.
Хезмәттәшебезне чын күңелдән котлыйбыз, яңа иҗади уңышлар телибез.
Игътибар!!! Сезон ачу тантанасы!!! [ 18.10.2017 ]
С.Өметбаев исемендәге Минзәлә татар дәүләт драма театры “Кече шәһәр театрлары” федераль проекты кысаларында ике спектакль чыгарды. Шуларның берсе, А.Островский әсәре буенча режиссер Зиннур Сөләйманов сәхнәгә куйган “Яшенле яңгыр” (“Гроза”) драмасының премьерасы белән театр үзенең 82нче иҗат сезонын ачып җибәрә. Рәссам Валерий Яшкуловның күзаллавы нигезендә сәхнәдә 30(!) кубометр су белән чын бассейн!
Премьера алдыннан , гадәттәгечә, тантаналы өлеш – артистларыбызны узган сезон нәтиҗәләре буенча номинацияләрдә бүләкләү, яшьләр белән таныштыру, иң актив тамашачыларны билгеләп үтү һәм башкалар.
Район Мәдәният сараенда барлык театр сөючеләрне 27 октябрьдә 18.00 сәгатьтә көтеп калабыз!
Туган көнегез белән котлыйбыз! [ 17.10.2017 ]
17 октябрьдә Сабир Өметбаев исемендәге Минзәлә татар дәүләт драма театрында балетмейстер булып эшләүче ГӨЛФӘНИЯ ХАРИС кызы ШӘЙМӘРДАНОВАның туган көне
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
