КОТЛЫЙБЫЗ!!! [ 27.03.2018 ]
Хөрмәтле коллегалар!
Сезне профессиональ бәйрәмебез – Халыкара театр көне белән кайнар котлыйбыз. Театр – ул хисләр, төсләр җыелмасыннан торган үзенчәлекле, серле бер дөнья.Коллективка иҗат бәхете гел юлдаш булсын, чөнки ул – безнең хезмәтебезнең алтын бөртеге.
Сезгә иҗади илһам, омтылышларыгызга биеклекләр, кайнар алкышлар, бетмәс дәрт-дәрман, яңа рольләр, тулы заллар булуын телибез
Бәйрәм белән, кадерле дуслар!
КОТЛЫЙБЫЗ!!! [ 24.03.2018 ]
24 мартта Сабир Өметбаев исемендәге Минзәлә татар дәүләт драма театрының талантлы артисты ЗИННУРОВ РӨСТӘМ ИЛҺАМ улының туган көне.
АНОНС!!! [ 14.03.2018 ]
2018 елның 28-31 мартында С.Өметбаев исемендәге Минзәлә татар дәүләт драма театрында зур бәйрәм!
“Идел-йорт”
дип исемләнгән үзешчән театр коллективларының
XVIII регионара фестиваль-конкурсының зональ туры уза
Минзәлә тамашачысы инде яратып өлгергән үзешчән артистларның чыгышын күрми калмагыз!
КОТЛЫЙБЫЗ!!! [ 07.03.2018 ]
8 мартта Сабир Өметбаев исемендәге Минзәлә татар дәүләт драма театрының талантлы артисткасы Биктагирова Гөлназ Азат кызының туган көне.
КОТЛЫЙБЫЗ!!! [ 07.03.2018 ]
Хөрмәтле Хатын – кызлар!
Көннең яктылыгы кояшта, күкнең бар матурлыгы йолдызларында, кешелекнең бөтен гүзәллеге хатын-кызларда. Рөхсәт итегез сезне ихлас күңелдән, кешелекнең бизәге булган гүзәл затны, шушы искиткеч матур яз бәйрәме 8 март - Халыкара хатын-кызлар көне белән тәбрик итәргә… Шушы гаҗәеп гүзәл бәйрәм көнендә елмаеп баккан кояштай һәрвакыт балкып яшәгез. Күңелегездән шатлык, тәнегездән саулык-сәламәтлек, йортыгыздан иминлек-бәракәт китмәсен! Бәйрәмегез котлы булсын!
Ике бәйрәмне – бергә [ 05.03.2018 ]
С.Өметбаев исемендәге Минзәлә татар дәүләт драма театры 23 февраль һәм 8 март бәйрәмнәрен кышкы сабантуй форматында “Лесной” чишмәсе буенда уздырды.
Туган көнегез белән котлыйбыз! [ 01.03.2018 ]
1 март көнне Татарстан Республикасының Халык артисты ВЕНЕРА ФӘЙЗҮЛӘХӘТ КЫЗЫ НИГМӘТУЛЛИНАНЫҢ туган көне
Данлыклы Камал театры – Минзәләдә [ 26.02.2018 ]
Г.Камал исемендәге татар дәүләт Академия театры Минзәләдә бик сирәк кунак. Ел саен февраль аенда Яр Чаллы шәһәренә берничә көнлек гастрольләргә килсәләр дә, якын – тирәдәге кечкенә шәһәрләр мәхрүм калалар иде.
4 мартта 18.00 сәгатьтә, район Мәдәният сарае бинасында, мәшһүр театр, сатира остасы Зөлфәт Хәким әсәре буенча куелган “Килә ява, килә ява” комедиясен күрсәтә. Әсәрне Камал театрының баш режиссеры Фәрит Бикчәнтәев сәхнәгә куйган. Спектакль афишасында Рамил Төхфәтуллин, Эмиль Талипов, Ирек Кашапов, Илнур Закиров, Айгөл Хәйруллина, Айгөл Шәкүрова исемнәре бар.
Барлык театр сөючеләр спектакльгә килми калмаслар, дип ышанабыз. Билетлар район Мәдәният сарае кассасында һәм Минзәлә театры администраторларында.
КОТЛЫЙБЫЗ!!! [ 22.02.2018 ]
ХӨРМӘТЛЕ ДУСЛАР!
Чын күңелдән Сезне 23 февраль – Ватанны саклаучылар көне белән тәбрик итеп, иң изге якты, матур теләкләребезне юллыйбыз. Туар таңнарыгыз тыныч, саулыгыгыз ныклы, гомерегез бәхетле булсын! Сезгә җан тынычлыгы, гаилә иминлеге телибез. Һәрвакыт нурлы булып күтәренке кәеф белән яшәгез.
АНОНС!!! [ 13.02.2018 ]
13 февраль 2018 ел 13.00 сәгатьтә
14 февраль 2018 ел 13.00 сәгатьтә
15 февраль 2018 ел 11.00 сәгатьтә
С.Өметбаев исемендәге Минзәлә татар дәүләт драма театры
А.Островский
“Яшенле яңгыр” (“Гроза”)
драма 12+
Билет бәясе: 300 сум
Билетлар театр кассасында сатыла
Белешмәләр өчен телефон:
касса 3-25-88
Спектакльгә рәхим итегез
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
