Туган көнегез белән котлыйбыз! [ 06.05.2018 ]
6 май көнне Татарстан Республикасының халык артисты, Сабир Өметбаев ис.премия лауреаты ХАФИЗ ХӘНИФ улы ХАММАТУЛЛИНның туган көне.
Хәйрия спектакле! [ 23.04.2018 ]
Бөек Җиңү көне уңаеннан 5 май 15.00 сәгатьтә С.Өметбаев исемендәге Минзәлә татар дәүләт драма театры
Эсфир Яһудин
“БЕР ЯШӘП КАЛЫЙК ӘЛЕ” 12+
музыкаль комедия
хәйрия спектаклен күрсәтә.
Керү пенсия кенәгәләре буенча. Рәхим итегез!
ПРЕМЬЕРА!!! [ 23.04.2018 ]
С.Өметбаев исемендәге Минзәлә татардәүләт драма театры күренекле татар язучысы, драматург Аяз Гыйләҗевнең тууына 90 ел уңаеннан аның моңарчы бер театрда да куелмаган “Кара күзле кызлар” музыкаль комедиясен (режиссер Дамир Сәмерханов) сәхнәләштерде.
Казандагы имтихан [ 16.04.2018 ]
Башкалабыз Казан шәһәренә гастрольләрен республиканың һәр театры имтихан тоту белән тиңли. Сабир Өметбаев исемендәге Минзәлә татар дәүләт драма театры иң уңышлы, иң шаулаган әсәрләре- Х.Җәвиднең “Иблис” трагедиясе һәм А.Островскийның “Яшенле яңгыр” драмасы белән К.Тинчурин исемендәге театр бинасында ике көн бик уңышлы чыгыш ясады.
Спектакльләрне караучы мәртәбәле шәхесләрдән Татарстан мәдәният министры урынбасары Э.Р.Камалова,шәһәрнең Киров районы хакимият башлыгы Д.Фәттахов, Казан шәһәре мәдәният идарәсе башлыгы А.Абзалов, Рабит Батулла, Ркаил Зәйдулла, Хәбир Ибраһим, театрлардан артистлар, журналистлар, театр тәнкыйтьчеләре, ТНВ каналы тележурналистлары,”Болгар” радиосы һәм башка кунаклар күп иде.”Иблис” спектакленә игътибар аеруча зур, “Яшенле яңгыр”ны узган елның декабрь аенда “Һөнәр” фестивалендә караучылар да бар иде.Фикерләр төрле, ләкин уңай якка тенденция көчлерәк, тамашачылар да, театр тәнкыйтьчеләре дә Минзәлә театрының нинди зур адымнар белән алга атлаганын әйтте. Имтиханын бик яхшы билгесенә бирде Минзәлә театры, яңа уңышлар юлдаш булсын!
Театр тормышы [ 9.04.2018 ]
Сабир Өметбаев исемендәге Минзәлә татар дәүләт драма театры Х.Җәвид "Иблис" һәм А.Островский "Яшенле яңгыр" спектаклләре белән Казан шәһәренә (9,10 апрель К.Тинчурин исемендәге театр) гастрольләргә китте
Туган көнегез белән котлыйбыз! [ 09.04.2018 ]
9 апрель көнне Сабир Өметбаев исемендәге Минзәлә татар дәүләт драма театрының талантлы артисты БӘДРЕТДИНОВА ЧУЛПАН МӨНИР кызының туган көне.
Театр тормышы [ 05.04.2018 ]
«Татар - информ» мәгълүмат агентлыгында С.Өметбаев исемендәге Минзәлә татар дәүләт драма театры артистлары һәм җитәкчелеге катнашында матбугат конференциясе узды.
Соклангыч уңышлар [ 28.03.2018 ]
Узган елгы иҗади эшләргә нәтиҗә ясалып,27 март , Халыкара театр көнендә Казанда “Тантана” театраль премияләре тапшырылды.
Матәм көне!!! [ 27.03.2018 ]
Хөрмәтле тамашачылар!
Кемерово шәһәрендә фаҗига булу сәбәпле, 28 март, матәм (траур) көне. Шул сәбәпле, Актаныш районы Иске Сәфәр халык театры коллективының Ш. Хөсәенов " Әниемнен ак күлмәге" спектакле 31 мартка 18.00 сәг. күчерелә. 28 март көненә сатып алынган билетлар үз көчендә кала. 31 мартта сезне көтеп калабыз!!!
Уфа гастрольләре [ 27.03.2018 ]
С. Өметбаев исемендәге Минзәлә театры 22, 23 мартта Башкортостан Республикасының башкаласыУфа шәһәрендә Мәҗит Гафури исемендәге Башкорт дәүләт Академия драма театры бинасында Х.Җәвиднең “Иблис” трагедиясе һәм А.Островскийның “Яшенле яңгыр” драмасы белән гастрольләрдә булды.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
