Игътибар!!! Конкурс!!! [ 16.11.2020 ]
Сабир Өметбаев исемендәге Минзәлә татар дәүләт драма театры үзенең 85 еллык юбилее уңаеннан театр логотибын яңарту буенча конкурс игълан итә.
ПРЕМЬЕРА БЕЛӘН, ДУСЛАР! [ 16.11.2020 ]
13 ноябрьдә С.Өметбаев исемендәге Минзәлә татар дәүләт драма театрында Ч.Айтматов әсәре буенча сәхнәләштерелгән "ҖӘМИЛӘ" спектакленең премьерасы узды. Спектакль Бөек Җиңүнең 75 еллыгына багышланган.
Режиссер – Тимур Кулов
Рәссам – РФнең һәм Калмык Республикасының атказанган сәнгать эшлеклесе Валерий Яшкулов
Пластика буенча режиссер – Алинә Мостаева.
Бүген, 15 октябрь, Минзәлә театрына нигез салучы Өметбаев Сабир Гаделҗан улының туган көне (15.10.1908 – 18.05.1982 еллар) – 112 яшь [ 15.10.2020 ]
Традиция буенча, Театр скверында, Сабир Өметбаев бюсты янында театр коллективы җыелды. Алар театрга нигез салучы бюстына чәчәкләр салдылар.
Туган көнегез белән котлыйбыз! [ 08.10.2020 ]
8 октябрьдә Сабир Өметбаев исемендәге Минзәлә татар дәүләт драма театрының талантлы артисты Поджидаев Владислав Александр улының туган көне.
Туган көнегез белән котлыйбыз! [ 08.10.2020 ]
8 октябрьдә Сабир Өметбаев исемендәге Минзәлә татар дәүләт драма театрының талантлы артисткасы Диләрә Хәмит кызы Каримуллинаның туган көне.
Игътибар!!! 85 нче театр сезонын ачу тантанасы!!! [ 06.10.2020 ]
16 октябрь 2020 ел
18.00 сәгатьтә
С.Өметбаев исемендәге Минзәлә татар дәүләт драма театрының
85 нче театр сезонын ачу тантанасы
“Күңел”дә кунакта [ 30.09.2020 ]
Инде матур традициягә әйләнгәнчә, Яр Чаллыга гастрольләр уңаеннан, “Күңел” радиосында кунакта булдык. Бу юлы Минзәлә театры чаллылыларга Мәҗит Шамхалов әсәре буенча куелган “Кайнана” музыкаль комедиясен Сара Садыйкова исемендәге Концертлар залында күрсәтте. “Күңел”дә дә сүз күбрәк спектакль турында барды. Татарстанның халык артисты Рәзилә Муллина, театрның әдәби бүлеге мөдире Нурсибә Адиева, артистка Индира Гайфуллина радио тыңлаучылар белән туры эфирда аралашты
АНОНС!!! [ 21.09.2020 ]
5 октябрь 2020 ел 19.00 сәгатьтә
С. Өметбаев исемендәге Минзәлә татар дәүләт драма театрында
Туган көнегез белән котлыйбыз! [ 21.09.2020 ]
21 сентябрьдә Сабир Өметбаев исемендәге Минзәлә татар дәүләт драма театрының талантлы артисткасы Эльвира Мулланур кызы Хәйретдинованың туган көне.
Хәйрия спектакле [ 21.09.2020 ]
С.Өметбаев исемендәге Минзәлә татар дәүләт драма театры Өлкәннәр көненә багышланган декада уңаеннан хәйрия спектакле күрсәтә
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
