Туган көнегез белән котлыйбыз! [ 31.01.2019 ]
31 январьдә Сабир Өметбаев исемендәге Минзәлә татар дәүләт драма театрының талантлы артисты Гайфуллин Нәфис Наил улының туган көне.
Хөрмәтле Раушан һәм Сөмбел! [ 29.01.2019 ]
Сабир Өметбаев исемендәге Минзәлә татар дәүләт драма театры коллективы исеменнән Сезне чын күңелдән никахыгыз уңаеннан тәбрик итәбез. Йөргән юлларыгызны бәхет кояшы, сөю йолдызы яктыртсын, һәр туар таңнар иртәсе сезгә бәхет - шатлык алып килсен, йөрәгегездә мәхәббәт ялкыны мәңге сүнмәсен һәм сүрелмәсен, йөзегез кояштай нурлы, бәхет касәгез тулы, тормышыгыз матур җырларга тиң булсын.
Туган көнегез белән котлыйбыз! [ 24.01.2019 ]
24 январьдә Сабир Өметбаев исемендәге Минзәлә татар дәүләт драма театрының талантлы артисты ЗИННУРОВ РАУШАН РИФАТ улының туган көне.
Хөрмәтле артистыбы юбилее [ 23.01.2019 ]
Соңгы елларда Минзәлә театры ерак җирләргә фестивальләргә, гастрольләргә еш йөри. Кайда гына булсак та без Минзәләнең исемен танытабыз. Кечкенә генә шәһәрдә инде 83 ел иҗат иткән театрның даны еракларга җитте.
Туган көнегез белән котлыйбыз! [ 23.01.2019 ]
23 гыйнварда Сабир Өметбаев исемендәне Минзәлә татар дәүләт драма театры директоры, Татарстан Республикасының атказанган мәдәният хезмәткәре, Марсель Сәлимҗанов исемендәге Республика премиясе лауреаты, Сабир Өметбаев исемендәге премия лауреаты Роберт Шәйхел улы Шәймәрдановның туган көне.
Тирән кайгы [ 17.01.2019 ]
Сабир Өметбаев исемендәге Минзәлә татар дәүләт драма театры коллективы, артистлар труппасы Россия Федерациясенең һәм Татарстанның халык артисты, милләтебезнең йөзек кашы, легендар шәхес, татар халкының горурлыгы, меңләгән тамашачының яраткан җырчысы Илһам Гыйльметдин улы Шакиров вафат булуы сәбәпле туганнарының, якыннарының, авыр кайгысын уртаклаша.
Олуг артистыбызның авыр туфрагы җиңел булсын, Илһам Шакиров турында якты истәлекләр күңелләрдә мәңге сакланыр.
Туган көнегез белән котлыйбыз! [ 16.01.2019 ]
16 гыйнварда Сабир Өметбаев исемендәге Минзәлә татар дәүләт драма театрының талантлы артисты, "Тантана" театраль премиясе лауреаты - ЗАКИРОВ ИЛЬЯС ГӨМӘР улының туган көне.
Туган көнегез белән котлыйбыз! [ 07.01.2019 ]
7 январьдә Сабир Өметбаев исемендәге Минзәлә татар дәүләт драма театрының талантлы артисткасы Алия Мөнәвир кызы Жаркованың туган көне.
Туган көнегез белән котлыйбыз! [ 01.01.2019 ]
1 НЧЕ ГЫЙНВАРДА Татарстан Республикасының атказанган артисты ИСРАФИЛОВ ӘХНӘФ МУЛЛАГАЛИ улының туган көне.
ЯҢА ЕЛ БЕЛӘН! [ 29.12.2018 ]
КАДЕРЛЕ ДУСЛАР, КОЛЛЕГАЛАР!!!
Сезне чын күңелдән якынлашып килүче Яңа 2019 ел белән котлыйбыз. Яңа ел яңа өметләр, яңа хыяллар, үзегезгә һәм якыннарыгызга саулык – сәламәтлек, күңелле яңалыклар, шатлык – сөенечләр , чиксез уңышлар алып килсен. Яңа елны, туган һәр яңа көнне елмаеп, зур өметләр һәм хыяллар белән каршы алыгыз! Күңелегез саф, хисләрегез эчкерсез, хыялларыгыз якты һәм матур булсын.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
