Зур югалту [ 07.03.2019 ]
Татар театры сәнгате зур югалту кичерә - 93нче яшендә Минзәлә татар дәүләт театры артисты, РСФСРның атказанган артисты Нәсимә Мансур кызы Җиһаншина вафат булды.
АНОНС!!! [ 05.03.2019 ]
10 март 2019 ел
11.00 сәгатьтә
"Койрыклар" А.Алиш әкиятләре буенча бэби спектакле 0+
Юбилеегыз белән котлыйбыз! [ 01.03.2019 ]
1 март көнне Татарстан Республикасының Халык артисты ВЕНЕРА ФӘЙЗҮЛӘХӘТ КЫЗЫ НИГМӘТУЛЛИНАНЫҢ юбилее.
Минзәлә театрының гастрольләр челтәре. [ 27.02.2019 ]
С.Өметбаев исемендәге Минзәлә татар дәүләт драма театры узган февраль аен Марий Эл республикасына зур гастрольләр белән башлады.
Туган көнегез белән котлыйбыз! [ 25.02.2019 ]
25 февральдә Сабир Өметбаев исемендәге Минзәлә татар дәүләт драма театрының талантлы артисты Халиков Илдар Марс улының туган көне.
Үзешчән театр коллективларының район фестивале үткәрелә [ 14.02.2019 ]
Россиядә 2019 ел – Театр елы. Шушы уңайдан үзешчән театр коллективларының район фестивале үткәрелә.
Зур гастрольләр [ 11.02.2019 ]
Сабир Өметбаев исемендәге Минзәлә татар дәүләт драма театры Марий Эл республикасыннан гастрольләрдән кайтты.
Театр тормышы [ 05.02.2019 ]
Мартның беренче яртысында Сабир Өметбаев исемендәге Минзәлә дәүләт татар драма театрының "Бәләкәч" курчак театры Алмаз Садриев инсценировкада һәм куелышында "Койрыклар" - "Хвостики" (Абдулла Алиш әкиятләре буенча фантазияләр) бэби спектакленең премьерасын тәкъдим итәчәк.
Театр тормышы [ 04.02.2019 ]
Бүген Сабир Өметбаев исемендәге Минзәлә татар дәүләт драма театры Марий Эл республикасына гастрольләргә китте.
Юбилеегыз белән котлыйбыз! [ 02.02.2019 ]
2 февральдә Сабир Өметбаев исемендәге Минзәлә татар дәүләт драма театрының баш рәссамы, Россия Федерациясенең һәм Калмыкия Республикасының атказанган сәнгать эшлеклесе Яшкулов Валерий Борисовичка 65 яшь тула.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
