Театр тормышы [ 30.05.2019 ]
1 июнь – Халыкара балаларны яклау көне уңаенннан, С.Өметбаев исемендәге Минзәлә татар дәүләт драма театры “Умырзая” реабилитация үзәгендә “Шаян Гарәфи” хәйрия курчак спектаклен күрсәтә.
Җиңү паркында, бәйрәм уңаеннан уздырылган чаралар кысасында театр артистлары Рөстәм Зиннуров һәм Раушан Зиннуровлар балалар белән анимация уздыралар . Сценарий авторы –XVI театр фестивале лауреаты, артист Рөстәм Зиннуров.
Фестивальгә барабыз. [ 21.05.2019 ]
4 июньдә, Казанның К.Тинчурин исемендәге театры бинасында XIV Халыкара “Нәүрүз” театр фестивале кысаларында безнең театр М.Башкировның “Салкын Кын” трагедиясе белән чыгыш ясаячак.Фестивальдә Кыргызстаннан, Башкортостанннан, Чуваш Республикасыннан, Әзербайҗаннан, Румыниядән, Саха Республикасыннан, Дагестаннан һәм Татарстан театрлары катнаша.
Яңа әсәргә алындык [ 21.05.2019 ]
Форумда катнашалар [ 14.05.2019 ]
С.Өметбаев исемендәге Минзәлә татар дәүләт драма артистлары Рания Җиһаншина, Рөстәм Зиннуров, Раушан Зиннуров, Сөмбел Шәмсетдиновалар бу көннәрдә Яр Чаллы шәһәрендә III Межрегиональ “Рабочая лошадка” дип исемләнгән театраль –белем бирү форумында катнаша. Форум программасында иҗади очрашулар, “түгәрәк өстәл”ләр, Яр Чаллы дәүләт курчак театры спектакльләрен карау, секцияләр буенча шөгыльләнү планлаштырылган.
Туган көнегез белән котлыйбыз! [ 14.05.2019 ]
14 май көнне Сабир Өметбаев исемендәге Минзәлә татар дәүләт драма театрының талантлы артисты ГАЙФУЛЛИНА ИНДИРА НАИЛ кызының туган көне.
Җиңү көне белән!!! [ 08.05.2019 ]
Хөрмәтле коллегалар,
ветераннар, тыл хезмәткәрләре!
С.Өметбаев исемендәге Минзәлә татар дәүләт драма театры дирекциясе һәм коллективы исеменнән Сезне Бөек Җиңүнең 74 еллыгы уңаеннан кайнар котлыйбыз!
Театр фестивале бизәкләре [ 06.05.2019 ]
С.Өметбаев исемендәге Минзәлә татар дәүләт драма театры директоры Р.Ш.Шәймәрданов идеясе буенча РФдә “2019 ел –Театр елы” дип игълан ителү уңаеннан Минзәлә районы балалар бакчалары, мәктәпләр, авыл клублары , шәһәр оешмалары коллективлары арасында театраль фестиваль старт алды .
Туган көнегез белән котлыйбыз! [ 06.05.2019 ]
6 май көнне Татарстан Республикасының халык артисты, Сабир Өметбаев ис.премия лауреаты ХАФИЗ ХӘНИФ улы ХАММАТУЛЛИНның туган көне.
Минзәлә шәһәре балалар бакчалары арасында "Театр фестивале"нең йомгаклау турына рәхим итегез! [ 24.04.2019 ]
29,30 апрель 2019 ел
С. Өметбаев исемендәге Минзәлә татар дәүләт драма театры Минзәлә шәһәренең мәктәпкәчә белем бирү оешмалары арасында "Театр фестивале"нең йомгаклау турын үткәрә
Хәйрия спектакле [ 19.04.2019 ]
Бөек Җиңү көне уңаеннан 6 май 15.00 сәгатьтә С.Өметбаев исемендәге Минзәлә татар дәүләт драма театры
Эсфир Яһудин
“БЕР ЯШӘП КАЛЫЙК ӘЛЕ” 12+
музыкаль комедия
хәйрия спектаклен күрсәтә.
Керү пенсия кенәгәләре буенча.
Рәхим итегез!
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
