Гастрольләр [ 05.12.2019 ]
Республиканың Зәй, Җәлил,Нурлат,Чирмешән, Лениногорск, Баулы, Урыссу, Азнакай район үзәкләрендә Гофманның “Щелкунчик”әкияте, А.Коровкинның “Түтиләр” комедиясе белән өзлексез сигез көнлек гастрольләрдә йөреп кайттык. Көндез – балалар өчен әкият, кичен комедия күрсәттек.Тамашачы яратып, канәгать булып калды.Социаль челтәрләрдә уңай фикерләрен яздылар.
Хәйрия спектакле [ 04.12.2019 ]
С.Өметбаев исемендәге Минзәлә татар дәүләт драма театры
Инвалидлар көненә багышланган декада уңаеннан хәйрия спектакле күрсәтә
10 декабрь 14.00 сәг.
М.Шамхалов
"Кайнана"
музыкаль комедия 12+
Зур югалту [ 03.12.2019 ]
Татар театр дөньясы зур югалту кичерә.
Бүген, 3 декабрьдә, 76 яшендә Кәрим Тинчурин театры актрисасы, Россиянең атказанган, Татарстаның халык артисты Мәхмүтова Исламия Һидиятулла кызы вафат булды.
Юбилейга рәхим итегез! [ 28.11.2019 ]
13 декабрь 18.00 сәг.
С.Өметбаев исемендәге Минзәлә татар дәүләт драма театрында
Татарстанның халык артисткасы, "Тантана" театраль премиясе лауреаты, Сабир Өметбаев исемендәге премия лауреаты, Минзәлә шәһәренең Мактаулы гражданины
ВЕНЕРА НИГЪМӘТУЛЛИНАның
"Яшәү- бер мизгел" дип исемләнгән юбилей кичәсе 12+
С.Өметбаев исемендәге Минзәлә татар дәүләт драма театры "Һөнәр" Бөтенроссия театр фестивалендә катнашачак. [ 21.11.2019 ]
6-11 декабрьдә Казан шәһәрендә XI "Һөнәр" Бөтенроссия яшь татар режиссурасы театр фестивале үтәчәк.
Яңа ел бәйрәменә рәхим итегез! [ 20.11.2019 ]
Сабир Өметбаев исемендәге Минзәлә татар дәүләт драма театры Яңа ел бәйрәменә оешмалардан заявкалар кабул итә.
Белешмәләр өчен телефоннар : 3-20-43, 8-937-571-73-11
УРЫННАР АЛЫП КАЛЫРГА АШЫГЫГЫЗ!
Театр тормышы [ 20.11.2019 ]
Бүген С.Өметбаев исемендәге Минзәлә татар дәүләт драма театрының Татарстан Республикасы районнары буенча гастрольләре башланды
Сәхнәдә – “Кайту” [ 15.11.2019 ]
С.Өметбаев исемендәге Минзәлә татар дәүләт драма театры “”Бердәм Россия” партиясенең “Кече шәһәр театрлары” федераль проекты буенча чыгарылачак 2019 елның чираттагы премьерасын – Зиннур Хөсниярның “Кайту” әсәрен сәхнәләштерә.
Людмила Рыбакова - Минзәлә театрында [ 15.11.2019 ]
Татарстан Республикасы Дәүләт Советы рәисенең мәгариф,мәдәният,фән һәм милли мәсьәләләр буенча урынбасары, “Бердәм Россия” партиясе әгъзасы Людмила Рыбакова Минзәлә театры эше белән танышты.
Театр тормышы [ 14.11.2019 ]
Бүген С. Өметбаев исемендәге Минзәлә татар дәүләт драма театрына Мөслим районының Тат. Шуран төп гомуми белем бирү мәктәбе укучылары һәм укытучылары экскурсиягә килделәр. Экскурсия вакытында алар театр музеенда булдылар, костюм, реквизит цехлары, сәнгать-бизәү остаханәсе белән таныштылар. Театр артистлары укучылар өчен мастер класс үткәрделәр һәм театрның эчке тормышы белән таныштырдылар.
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
