Яңалыклар

Минзәлә театрында – автор да,режиссер да.

Июль урталарында,гадәттәгечә, Минзәлә театры тулы составта җәйге ялларга китә. Әле 1июльдә Болгарга экскурсиягә барабыз, 4юльдә табигатьтә театр сабантуен уздырачакбыз.
Хәзерге вакытта театрга “Бердәм Россия” партиясенең федераль программасы кысаларында “Культура малой Родины” проекты буенча куелачак Зиннур Хөсниярның “Кайту” әсәрен сәхнәләштерү өчен Уфадан режиссер Эдуард Шахов килде.

Э.Шахов - Уфа дәүләт сәнгать академиясен тәмамлаган. Мәскәүдә ,Анатолий Васильевның “Школа драматического искусства” театрында режиссерлык лабораториясендә, Санкт-Петербургта Владимир Фокинда Александринский академия театрында белемен арттырган. Башкортостанның Салават, Стәрлетамак, Сибай, Уфаның “Нур” театрларында,Оренбург,Березнеки,Первоуральск, Новокузнецк,Новосибирск, Татарстанда Г.Камал исемендәге Академия театрында, Әлмәт театрында һәм башка күп кенә шәһәрләрдә уңышлы спектакльләр куйган.РФнең ”Алтын битлек” милли театраль премиясенә берничә әсәре дәгъва иткән.

Режиссер белән бергә әсәрнең авторы, “Сәхнә” журналының баш мөхәррире, шагыйрь, язучы Зиннур Хөснияр да килде.Зиннур Зиятдинович Минзәлә театрының күптәнге якын дусты.Безнең театр сәхнәсендә моңа кадәр аның ике әкияте сәхнәләштерелде.Театр тарихында күп кенә авторлар – Юныс Әминов, Хәй Вахит, Риза Ишморат, Аяз Гыйләҗев, Сәет Шәкүров һәм башкалар һәрчак үз әсәрләрен артистлар белән, режиссер белән киңәшеп, кирәк урыннарын кабат язып эшләгәннәр, аның нәтиҗәсе бары уңай гына булган.Минзәлә театры традицияләрен саклап та, кабат яңартып та эшли торган театр.

“Кайту”ның премьерасы яңа, 84нче сезонда булачак.

Нурсибә Адиева, театрның әдәби бүлеге мөдире | 22.06.2019
  • Премьералар
  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • Ч.Айтматов "Җәмилә" мелодрама 12+

    Режиссер – Тимур Кулов Рәссам – Валерий Яшкулов, РФнең һәм Калмык республкасының атказанган сәнгать эшлеклесе Пластика буенча режиссер – Алина Мостаева Спектакль Бөек Җиңүнең 75 еллыгына багышланган. Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.

  • Н.Анкилов «Солдат хатыны» драма 12+

    Режиссер – Дамир Сәмерханов, Д.Сираҗиев исемендәге премия лауреаты Рәссам – Сергей Рябинин Композитор – Азат Хөсәенов, ТРның атказанган сәнгать эшлеклесе Пластика буенча режиссер – Чулпан Аскарова,БРның атказанган артисты Спектакль Бөек Җиңүнең 75 еллыгына багышланган. Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.

  • Дуслар
  • Сораштыру