Яңалыклар

“Җиңелмәс Минзәлә театры” дигән даныбыз бар

Ике елга бер үткәрелгән республика театрлары сабантуе сагындырып кына килеп җитте. Саба урман хуҗалыгы җирлегендә инде беренче тапкыр гына түгел – таныш ямьле урынга бик теләп юлга кузгалдык. Татарстан Дәүләт Советы рәисе урынбасары Р.Ратникова һәм Татарстанның мәдәният министры А.Сибагатуллиннарның сәламләү сүзеннән соң сабантуе үз юнәлешен алды. Таяк тартышуда хатын –кызлар арасында А.Фаррахова беренче урын, аркан тартышуда ирләр командасы- Д.Нуриев,И.Хисмәтуллин,Н.Гайфуллин,Ф.Бәдриев, Р.Нуриәхмәтов –беренче урын, аркан тартышуда хатын –кызлар - Р.Егорова,Э.Хәйретдинова,А.Фаррахова, Г.Шәймәрданова, Р.Баймурзина – беренче урын, капчык сугышында И.Хисмәтуллин – икенче урын, армреслингта Р.Баймурзина – өченче урын, гер күтәрүдә И.Хисмәтуллин – өченче урын – гөрләтте генә мәйданны Минзәлә театры. Аркан тартышу татарча көрәш дәрәҗәсеннән ким булмады – камаллар, әлмәтләр, буалар, түбән камалылыр, чаллылыр – һәммәсен тартып кына алды безнең егет- кызлар.”Монда кереп тә торасы түгел, Минзәләнең җиңеләсе юк”- диештеләр коллегалар. Татарча көрәш, дигәннән, ярышның таләпләре катгый – көрәштә бары тик артистлар гына катнаша ала, аларның театрда ким дигәндә бер ел эшләүләре шарт. Төп приз – автомобиль алу өчен яшь артистларга менә дигән кызыксындыру чарасы һәм, әлбәттә, тырышлык, түземлек сорала. Табигать кочагында башта уха,аннары итле шулпа пешердек. Ухага балыкны үзебезнең баш энергетик Юзманов В.А. алып килде, ООО”Органик групп- Чулман”филиалынын “Тәкермән” бүлеге директоры Мәүҗиев И.Р.,”Мензелинский” бүлеге директоры Латыйпова Ә. ит белән ярдәм иттеләр, Аю авылыннан шәхси эшмәкәр Борханов И.С. күп итеп кыяр бирде. Спонсорларыбызга бик зур рәхмәт! Шулай итеп, театр коллективы район сабантуеннан соң җәйге ялларга китәчәк. Яңа сезонда яңа премьераларда исән – сау очрашырга язсын.

Нурсибә Адиева, театрның әдәби бүлеге мөдире | 30.06.2017
  • Премьералар
  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • Ч.Айтматов "Җәмилә" мелодрама 12+

    Режиссер – Тимур Кулов Рәссам – Валерий Яшкулов, РФнең һәм Калмык республкасының атказанган сәнгать эшлеклесе Пластика буенча режиссер – Алина Мостаева Спектакль Бөек Җиңүнең 75 еллыгына багышланган. Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.

  • Н.Анкилов «Солдат хатыны» драма 12+

    Режиссер – Дамир Сәмерханов, Д.Сираҗиев исемендәге премия лауреаты Рәссам – Сергей Рябинин Композитор – Азат Хөсәенов, ТРның атказанган сәнгать эшлеклесе Пластика буенча режиссер – Чулпан Аскарова,БРның атказанган артисты Спектакль Бөек Җиңүнең 75 еллыгына багышланган. Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.

  • Дуслар
  • Сораштыру