Яңалыклар

Без Мәскәү гастрольләреннән кайттык!

Өч көн рәттән Минзәлә театры артистлары Мәскәү шәһәре тамашачылары алдында чыгыш ясады. 15 ноябрдә Зуев Мәдәният йортында М.Галәүнең “Мөһәҗирләр” драмасын, 16 сы Асадуллаев исемендәге мәдәният үзәгендә театральләштерелгән зур концерт, 17 се – инде популярлыгын казанган Т.Миңнуллинның “Мулла” драмасын күрсәттеләр. Минзәләлеләрне башкалада беләләр һәм хөрмәт итәләр. Артистларның грим бүлмәләренә килеп тамашачыларнын рәхмәт әйтүләре, чәчәкләр бирүләре, кайнар алкышлары шуны дәлилли. Артистлар сәхнәдә уйнап кына калмадылар, концерт та куйдылар - җыр да башкардылар, биеделәр дә.

Спектакльләрнең кыскача эчтәлегенә тукталып китик.
“Мөһәҗирләр” драмасында йөз эл элек барган вакыйгалар сурәтләнә. Монда татарларның көчләп чукындырудан куркып Төркиягә күченеп китүләре сурәтләнә. Әмма чит җирдәге тормышның үз илендәге тормыштан да начаррак икәнен аңлагач, хәллерәк татарлар “Стамбул – Одесса” параходына утырып туган илләренә кайталар....
“Мулла” драмасы исә моннан бер ел элек театрның яшь баш режиссеры Дамир Самерханов тарафыннан куела. Шунысын билгеләп утәргә кирәк, бу аның диплом спектакле һәм Минзәлә театрында беренче иҗат җимеше.
...Кайчандыр гөрләп торган авыл бүген бетеп бара. Эчкечелек, азгынлык, тәртипсезлек хөкем сөрә. Шушы авыл кешесе, зур эшмәкәр Саматның таралып барган авылга 23 яшьлек мулла егет Әсфәндиярне алып кайтып – “Биредә син хуҗа” - дип әйтүе күпләр өчен көтелмәгән вакыйга. Кайчандыр шушы авылдан сөрелгән мулланың оныгы Вәлиәхмәтнең “Сезгә ясин чыгарга кайттым ” – диюе элеккеге мәчет манарасын кискән кешенең оныгы Бәдретдиннең тәмам кешелектән чыгып эчкечелектән асылынып үлүе, җирле үзидарә рәисе Лемурның җавапсыз, йомшак булуы, участок милиционерының Әминең закон бозучыларга күз йомуы – болар барысы да яшь мулла Әсфәндияргә кырыс тормыш мәктәбе. Мулланың чиста күңелле, дөреслек өчен көрәшүче икәнлегенә инанып авыл кешеләре әкренләп мәчеткә тартыла башлый... 
Безнең чыгышны караган мәскәүлеләр: “Искиткеч театр, искитчек әсәр, артистлар. Куелган әсәрләрегез зур тәрбияви роль башкаралар. Бүгенге заманда бу бик кирәкле әйбер. Безгә ешрак килегез” – дип калдылар. 

 

Ландыш Гәрәева |
  • Премьералар
  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • Ч.Айтматов "Җәмилә" мелодрама 12+

    Режиссер – Тимур Кулов Рәссам – Валерий Яшкулов, РФнең һәм Калмык республкасының атказанган сәнгать эшлеклесе Пластика буенча режиссер – Алина Мостаева Спектакль Бөек Җиңүнең 75 еллыгына багышланган. Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.

  • Н.Анкилов «Солдат хатыны» драма 12+

    Режиссер – Дамир Сәмерханов, Д.Сираҗиев исемендәге премия лауреаты Рәссам – Сергей Рябинин Композитор – Азат Хөсәенов, ТРның атказанган сәнгать эшлеклесе Пластика буенча режиссер – Чулпан Аскарова,БРның атказанган артисты Спектакль Бөек Җиңүнең 75 еллыгына багышланган. Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.

  • Дуслар
  • Сораштыру