Яңалыклар

Татарстан Республикасының күренкле язучылары белән очрашу

10 декабрьдә 16.00 сәгатьтә С.Өметбаев исемендәге Минзәлә татар дәүләт драма театрында Татарстан Республикасының күренкле язучылары:

1. Илфак Ибраһимов (Мөхәммәт Мирза) – “Казан Утлары” журналының баш мөхәррире, шагыйрь, ТРныћ Г.Тукай исемедәге Дәүләт премиясе лауреаты, ТРның атказанган сәнгать эшлеклесе;

2. Марсель Галиев – ТРның халык язучысы, ТРның Г.Тукай исемендәге Дәүләт премиясе лауреаты;

3. Камил Кәримов – “Казан утлары” журналының проза бүлеге мөхәррире, прозаик, ТРның атказанган сәнгать эшлеклесе, Ф.Хөсни премиясе лауреаты;

4. Данил Салихов – Татарстан Язучылар берлеге рәисе урынбасары, драматург, прозаик, Г.Исхакый премиясе лауреаты, ТРның атказанган сәнгать эшлеклесе;

5. Алмаз Хәмзин – прозаик, автор-башкаручы, ТРның атказанган сәнгать эшлеклесе;

6. Факил Сафин – Татарстан Язучылар берлегенең Чаллы оешмасы җитәкчесе, прозаик, шагыйрь, ТРның атказанган сәнгать эшлеклесе;

7. Айгөл Әхмәтгалиева – “Казан утлары”журналының проза бүлеге мөхәррире, прозаик, драматург, С.Сөләйманова премиясе лауреаты

белән очрашу узачак.

 

Кунаклар ике төркемгә бүленеп, очрашуны гимназиядә һәм педкөллияттә башлап җибәрәләр(13.00 сәгатьтә), йомгаклау өлеше театрда 16.00 сәгатьтә була. Очрашуда катнашучылар өчен кунаклар һәм театр артистлары катнашында әдәби-музыкаль концерт та әзерләнә.

Очрашуга мәктәп директорлары, татар теле һәм әдәбияте укытучылары, районның китапханә хезмәткәрләре, “Минзәлә” район газетасы хезмәткәрләре, татар теле һәм әдәбияты фәненнән район һәм республика олимпиадасында җиңгән укучылар, районның яшь һәм өлкән шагыйрьләре, язучылары, почта хезмәткәрләре чакырыла.

Керү ирекле!

Рәхим итегез!

--- | 07.12.2015
  • Премьералар
  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • Ч.Айтматов "Җәмилә" мелодрама 12+

    Режиссер – Тимур Кулов Рәссам – Валерий Яшкулов, РФнең һәм Калмык республкасының атказанган сәнгать эшлеклесе Пластика буенча режиссер – Алина Мостаева Спектакль Бөек Җиңүнең 75 еллыгына багышланган. Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.

  • Н.Анкилов «Солдат хатыны» драма 12+

    Режиссер – Дамир Сәмерханов, Д.Сираҗиев исемендәге премия лауреаты Рәссам – Сергей Рябинин Композитор – Азат Хөсәенов, ТРның атказанган сәнгать эшлеклесе Пластика буенча режиссер – Чулпан Аскарова,БРның атказанган артисты Спектакль Бөек Җиңүнең 75 еллыгына багышланган. Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.

  • Дуслар
  • Сораштыру