Яңалыклар

Күңелләрне тетрәндерерлек

Шәһәребездә Сабир Өметбаев исемендәге Минзәлә дәүләт татар драма театры артистлары булып китте. Алар Чаллы тамашачысына Р.Кинҗәбаев әсәре буенча куелган “Тилмереп дога көткәннәр” спектаклен күрсәтте. Бу театр коллективының Бөек Җиңүнең 70 еллыгына менә дигән бүләге.

Әлеге тетрәндерерлек һәм гыйбрәтле спектакльне режиссер Дамир Сәмерханов сәхнәгә куйган. Әсәрнең эчтәлегенә туры килерлек көйләрне Татарстанның атказанган сәнгать эшлеклесе Юрий Чаплин язган. Рәссам Ленар Гыйльметдиновның сәхнә бизәлеше дә эчтәлеккә аваздаш.

Драма сугыш кырында аягын өздергән 18 яшьлек Ильясның язмышы турында. Ул фронттан өенә кайта, тик аны әнисе көтмәгән, чөнки ул ярты ел элек улының үлгән хәбәрен алган булган. Сөйгән кызы Нурия дә аяксыз Ильястан кача. Озак та үтми, егетнең әнисе вафат була. Авылга эчкече дип даны таралган Һәдия исемле кыз Ильяска мәҗбүри диярлек кияүгә чыга. Яхшы гына яшәп китеп бәби көткәндә, Мәхмүт Һәдияне авыр эшкә җибәрә, нәтиҗәдә, аның көмәне төшә... Ильясны халык дошманы дип төрмәгә ябалар. Иреккә чыккач та аны көтеп торучы юк – Һәдия эчеп күптән вафат булган. Сугыш ветераннарына хөрмәт, ихтирам белән карау түгел, яшьләрдән, киресенчә, гаепләү сүзләре генә ишетә Ильяс. “Сезнең җиңү кирәк түгел иде”, – диләр аңа. Спектакльдә катнашкан барлык артистлар да үз рольләрен бик оста  башкардылар. Ильяс ролен уйнаган Ленар Минемуллинның моңлы итеп җырлавы залдагылар күңеленә хуш килде. Хафиз Хамматуллин, Илсинә Миннемуллина чыгышлары да Чаллы тамашачысын әсир итте. Минзәлә театры артистлары үзләрен җылы итеп караган, аягүрә алкышлап сәхнәдән озаткан шәһәребез тамашачыларына рәхмәт әйтте.

Зөлфия ФОАТОВА

"ШӘҺРИ ЧАЛЛЫ" ГАЗЕТАСЫ

ЯР ЧАЛЛЫ ШӘҺӘРЕ.

 

--- | 20.03.2015
  • Премьералар
  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • Ч.Айтматов "Җәмилә" мелодрама 12+

    Режиссер – Тимур Кулов Рәссам – Валерий Яшкулов, РФнең һәм Калмык республкасының атказанган сәнгать эшлеклесе Пластика буенча режиссер – Алина Мостаева Спектакль Бөек Җиңүнең 75 еллыгына багышланган. Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.

  • Н.Анкилов «Солдат хатыны» драма 12+

    Режиссер – Дамир Сәмерханов, Д.Сираҗиев исемендәге премия лауреаты Рәссам – Сергей Рябинин Композитор – Азат Хөсәенов, ТРның атказанган сәнгать эшлеклесе Пластика буенча режиссер – Чулпан Аскарова,БРның атказанган артисты Спектакль Бөек Җиңүнең 75 еллыгына багышланган. Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.

  • Дуслар
  • Сораштыру