Яңалыклар

Традицион ярышларлар узды.

Сабир Өметбаев исемендәге Минзәлә татар дәүләт драма театры традиция буенча театрны оештыручы, аның беренче директоры һәм режиссеры, ТРның атказанган сәнгать эшлеклесе, Г.Тукай исемендәге Дәүләт премиясе лауреаты Сабир Гаделҗан улы Өметбаев исемендәге күчмә Кубокка ирләр һәм хатын-кызлар арасында шәхси беренчелеккә шахмат-шашка турниры үткәрде.

  Башка еллардан аермалы буларак, башлангыч һәм зур класс укучылары, студентлар, өлкән яшьтәгедәр арасында җиңүчеләр аерым билгеләнде. Ярышларның баш судьясы Әнвәр Камалов, аның ярдәмчесе Назимә Галләмова булды. Назимә Наиловна өченче мәктәптән 30 дан артык укучысын алып килгән, аларның 7 се призлы урыннар яулады. Өченче мәктәп елдан ел шахмат-шашка ярышларында иң актив катнашып килүче уку йорты булып килә. Монда, һичшиксез, талантлы педагог Назимә Наиловна Галләмованың хезмәте зур. Шәһәрнең №2 нче мәктәбеннән, гимназиядән, коррекцион мәктәптән дә укучылар килде. Тат.Мөшеге, Яңа Мәлкән авыллары мәктәпләре дә ярышларда катнашты. Һәм шулай ук куанычлы хәл-авыл хуҗалыгы техникумыннан Рәмзил Бәдриев 15 студенты белән уеннарга килеп, алардан Шәрипов Роберт – 1 урын, Червоны Роллан-2 урын, Назаров Станислав-3 урыннарны шахмат ярышларында студентлар категориясендә бүлеште.

  Башлангыч класс малайлары арасында шахмат буенча 1 урында-Якушев Тимур №2 мәктәп, 2 урын-Кукаркин Кирилл №2 мәктәп, 3 урын-Җиһаншин Адель №3 мәктәптән.

  Зур класс егетләре арасында 1 урында-Мирзаянов Роберт-гимназия,  2 урында-Вахитов Рәис-№3 мәктәп, 3 урында-Гилманов Ильяс-№2 мәктәп.

  Ир-егетләр арасында шахмат буенча Минзәләдә танылган шәхесләр Мукминов Мөхәммәт абый 1 урында һәм С.Өметбаев исемендәге күчмә Кубок иясе булды, 2 урында-Әхмәтов Рәис абый, 3 урында-Камалов Әнвәр.

  Мәктәп яшендәге кызларыбыз да шахмат уенын яратуларын исбатлады. 1 урында-Гатиятова Лилиана-№2 мәктәп , 2 урында-Камалова Резеда Тат.Мөшеге мәктәбеннән, 3 урында-Лакиман Виолетта - №3 мәктәптән.

  Хатын–кызлар арасында театр артисткасы Илсинә Миннемуллина  1 урынны һәм С.Өметбаев исемендәге күчмә Кубокны алды. 2 урында шулай ук театр артисткасы Гүзәл Хамматуллина, 3 урында- Назимә Галләмова.

  Шашка ярышында уйнаучылар саны да шактый булды. Малайларыбыз арасында 1 урында Курчаев Даниил-№3 мәктәп, 2 урында-Сафин Салават №3 мәктәп, 3 урында Юзманов Тимур №3 мәктәп. Кызлардан шашка буенча 1 урында Строкина Есения №3 мәктәп, 2 урында Камалова Резеда-Тат.Мөшеге мәктәбе, 3 урында Павлова Анастасия №3 мәктәп.

  Ирләр арасында 1 урында Камалов Әнвәр, шулай ук күчмә Кубок иясе, 2 урында-Шәрипов Фирдәвес, 3 урында-ТРның халык артисты, С.Өметбаев ис.премия лауреаты Хафиз Хамматуллин.

  Хатын – кызлар арасында 1 урында Мухаметова Гөлназ калды, аңа С.Өметбаев ис.күчмә Кубок тапшырылды.

  Аерым зур рәхмәтебезне ярышларның баш судьясы Әнвәр Мөнәвирович Камаловка әйтәбез. Һәр елны ул бер дә авырсынмыйча, теләп театрга ярдәмгә килә, олысы да, кечесе белән дә уртак тел табып, шахмат-шашка ярышларын кызыклы итеп үткәрә. Кызы Резедага да уен серләрен яхшы өйрәткән, ике төрдә дә икенче урыннарны алды, әтисенә лаеклы алмаш булып үсеп килә, күз тимәсен.

 “Юбилейный” спорт комплексы җитәкчелеге М.Б.Ивановка, Э.Х.Зәйнетдиновага, И.Хөсәиновка, №3 мәктәп директоры Т.Ф.Әхмәтшинга, авыл хуҗалыгы техникумы директоры Э.Ш.Фәттаховага, Балалар иҗат йорты җитәкчелегенә-О.В.Ильинага, Р.Р.Хафизовларга спорт инвентарьлары, өстәлләре, төпле киңәшләре белән ярдәм иткәннәре өчен бик зур рәхмәт. Һәммәгезгә дә эшегездә уңышлар, саулык-сәламәтлек телибез.

  Шахмат-шашка сөючеләр белән киләсе елда да очрашуны көтеп калыйк. Яңа исемнәр билгеле булсын, яңа җиңүләр яуларга насыйп итсен!

 

Нурсибә Адиева,

театрның әдәби бүлеге мөдире.

--- | 29.10.2014
  • Премьералар
  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • Ч.Айтматов "Җәмилә" мелодрама 12+

    Режиссер – Тимур Кулов Рәссам – Валерий Яшкулов, РФнең һәм Калмык республкасының атказанган сәнгать эшлеклесе Пластика буенча режиссер – Алина Мостаева Спектакль Бөек Җиңүнең 75 еллыгына багышланган. Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.

  • Н.Анкилов «Солдат хатыны» драма 12+

    Режиссер – Дамир Сәмерханов, Д.Сираҗиев исемендәге премия лауреаты Рәссам – Сергей Рябинин Композитор – Азат Хөсәенов, ТРның атказанган сәнгать эшлеклесе Пластика буенча режиссер – Чулпан Аскарова,БРның атказанган артисты Спектакль Бөек Җиңүнең 75 еллыгына багышланган. Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.

  • Дуслар
  • Сораштыру