Яңалыклар

ХУШЛАШУ СҮЗЕ

     Арабыздан Минзәлә театры артисткасы, атаклы Җиһаншиннар плеядасының якты вәкиле, Татарстанның атказанган артисты Роза Мөхәммәтулла кызы Җиһаншина китте.

   Роза Җиһаншина 1930 елның 27 октябрендә Пермь өлкәсе Щучье Озеро районының Урәзмәт авылында укытучы гаиләсендә доньяга килә.

   1947 елда Казан театраль училищесына укырга керә. 1951 елда укуны тәмамлап Минзәлә театрына эшкә җибәрелә. Үзенең озын иҗат гомерендә татар, рус, чит ил классик драматургияләрендә бербөтен образлар галереясын иҗат итә. Ул образлар арасында А.Островскийның “Гапсездән гаеплеләр”ендә Аннушка, К.Тинчуринның “Зәңгәр шәл”ендә малай, Н.Арбанның “Кара бүре”сендә Аннуш, Б.Нушичның “Иң гади кеше”сендә Зорька, Н.Анкиловның “Мин-солдат хатыны”нда Клавдия, Ә.Гаффарның “Язлар моңы”нда Сара, Р.Ишморатның “Хикмәтле Сәйфи”ендә Хәерниса һәм башка бик күп рольләр бар. Иҗат дипазоны һәм амплуасы киң булганлыктан, Р.Җиһаншина рольләрен тәфсилләп, күңел биреп эшләде. Иҗаттагы һәм хезмәттәге уңышлары өчен “Хезмәттәге батырлык өчен” медале, күпсанлы мактау кәгазьләре белән бүләкләнә, 1985 елда аңа “Татарстанның атказанган артисты” дигән мактаулы исем бирелә.

   Алар тормыш иптәше, Татарстанның атказанган артисты Әхмәдиша Җиһаншин белән ике бала тәрбияләп үстерделәр.

 Яраткан артисткабыз Роза Мөхәммәтулла кызы Җиһаншинаның якты истәлеге йөрәкләребездә мәңге сакланыр.

 

 
--- | 23.09.2014
  • Премьералар

  • У.Шекспир «Макбет» трагедия 12+

    Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе Костюмнар буенча рәссам – Чулпан Азаматова Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла. Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...

  • Ч.Айтматов "Җәмилә" мелодрама 12+

    Режиссер – Тимур Кулов Рәссам – Валерий Яшкулов, РФнең һәм Калмык республкасының атказанган сәнгать эшлеклесе Пластика буенча режиссер – Алина Мостаева Спектакль Бөек Җиңүнең 75 еллыгына багышланган. Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.

  • Н.Анкилов «Солдат хатыны» драма 12+

    Режиссер – Дамир Сәмерханов, Д.Сираҗиев исемендәге премия лауреаты Рәссам – Сергей Рябинин Композитор – Азат Хөсәенов, ТРның атказанган сәнгать эшлеклесе Пластика буенча режиссер – Чулпан Аскарова,БРның атказанган артисты Спектакль Бөек Җиңүнең 75 еллыгына багышланган. Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.

  • Дуслар
  • Сораштыру