14.09.2019 17:54:18
Кичэ "Сунгэн йолдызлар" спектаклен карарга насыйп булды безгэ-Чаллыларга. Яшь булуларына карамастан, артистлар эсэрне югары дэрэжэдэ башкарып, чыннан да узлэренен талантлы булулары белэн безне шаккаттырдылар. Спектакль заманча, яна форматта куелуы белэн куплэрне гажэплэндерде. Хэрэкэтлэрнен бераз кубрэк булуы гына,олы яшьтэге апаларнын кунелендэ бераз анлашылмаучылык тудырды. Хэтта Чаллыга кире автобуста кайтканда да театрда алган искиткеч хислэр белэн уртаклашып туя алмады. Чаллыга килсэгез, бармый калмаячакбыз. Ижади унышлар, Яна урлэр яуларга язсын сезгэ!!! Кызганыч артистлар белэн таныштырмадыгыз. Минем уземэ ин ошаганы алма ашап утырган артист!!
04.04.2017 19:26:32
Кичә Буа мәдәният йортында "Түтиләр" сатирик комедиясен карадык. Күптән мондый яхшы сыйфатлы итеп куелган комедияне караган юк иде әле. Барлык артистлар да искиткеч итеп, зур осталык белән үзләренең геройларын башкарып чыктылар. Минзәлә театрының яшь актерлары үсештә. Бу бигрәк тә егетләргә кагыла.Бары афәрин егетләр генә диясе кала.
Сценографиядә уңышлы итеп эшләнелгән. Музыканы да дөрес сайлаганнар. Спектакль тәнәфессез зур уңышлар белән барды. Монда режиссер Зиннур Сөләймановның аеруча да өлеше зур.
Спектакль беткәч тә тамашачылар аларны озак алкышладылар. Әгәр дә шунда театр сөючеләрне артистлар белән таныштырып китсәләр бик яхшы булыр иде. Чөнки халык үзләренең яраткан актерларын белергә тели. Ә бу юлы минзәләлеләр тамашачыларны бу бәхеттән мәхрүм иттеләр. Уңышлар Сезгә хөрмәтле артистлар. Элек-электән үк татар халкы Минзәлә театрының спектакльләренә яратып йөрде. Чөнки анда үз хезмәтләрен ихлас күңелдән яраткан, менә дигән талантлы актерлар эшли.
Сценографиядә уңышлы итеп эшләнелгән. Музыканы да дөрес сайлаганнар. Спектакль тәнәфессез зур уңышлар белән барды. Монда режиссер Зиннур Сөләймановның аеруча да өлеше зур.
Спектакль беткәч тә тамашачылар аларны озак алкышладылар. Әгәр дә шунда театр сөючеләрне артистлар белән таныштырып китсәләр бик яхшы булыр иде. Чөнки халык үзләренең яраткан актерларын белергә тели. Ә бу юлы минзәләлеләр тамашачыларны бу бәхеттән мәхрүм иттеләр. Уңышлар Сезгә хөрмәтле артистлар. Элек-электән үк татар халкы Минзәлә театрының спектакльләренә яратып йөрде. Чөнки анда үз хезмәтләрен ихлас күңелдән яраткан, менә дигән талантлы актерлар эшли.
05.12.2016 17:44:40
Театрыбызның юбилее уңаеннан язылды
Театр яктылыкка,
нурга илтә
Г.Тукай
“Зәңгәр шәлдән башланадыр,
Театрның юл башы.
Сабир Өметбаев салган
Театрга нигез ташын.
Үгез җигеп чаналарга,
Туңып-өшеп салкын бураннарда,
Тамашачы өчен җан атып,
Театр уйный артист салкын биналарда....
Шушы гомерләрдән бирле
Күпме сулар аккандыр?!
Узган гасырлардан мирас җыеп,
Яңа гасырларга күчкән театр!
Күпме артист – зур шәхесләр,
Уйнагандыр синең сәхнәдә?!
Һәрберсе уелып калынган,
Алар-тамашачы күңелендә.
Дөнья үзгәрә, син дә үзгәрәсең
Өлкән буынга яшьләр килә алмашка.
Ак сакаллы, абруйлы театр
Тырышасың беркайчан калышмаска!
Театр дөньясы – могҗиза!
Узган заманнарга барып кайтасың....
Күз алдыннан уза тарихыбыз,
Үзең дә шул тамашада катнашасың....
Горурлыгы Минзәләмнең –
Милли театры бар!
Чал тарихлы, ак сакаллы,
Бүген барлык котлаулар аңар!
Халкым күңелен яктыртып,
Маягы булып кал!
Раушания Гыймаева-Титова
Минзәлә, 26 нчы ноябрь 2016 ел
Режиссер – Сергей Потапов, Саха Республикасының атказанган сәнгать эшлеклесе, Россия Федерациясенең “Алтын битлек” милли театраль премиясе лауреаты
Рәссам – сценограф – Валерий Яшкулов, РФнең һәм Калмыкия Республикасының атказанган сәнгать эшлеклесе
Костюмнар буенча рәссам – Чулпан Азаматова
Хореография һәм пластика буенча режисссер - Нурбәк Батуллин, Россия Федерациясенең “Алтын битлек” милли театраль премиясе лауреаты
Король Дунканның данын яклап күп җиңүләргә ирешкән шотланд рыцаре Макбетка өч сихерче фал ача : аңа Шотландия короле булырга язган! Ялган фалга һәм шөһрәт сөюче хатынына ышанып Макбет король Дунканны үтерә, улларын бу үлемдә гаепле итеп калдыра. Яшь варислар илдән качарга мәҗбүр була. Соңрак якын дусты, киңәшчесе Банконы да яллап үтертә һәм тәхеткә утыра. Канлы юл белән властька ия булган җинаятьченең күңеле тыныч түгел, аның күзенә бертуктаусыз үзе үтерткән дуслары күренә. Принцлар да тик ятмый, Макбетның ялганын фаш итеп тәхеткә дәгъва кыла.
Макбет белән леди Макбет бер-берсеннән артык дан-шөһрәт яратып тайгак юлдан китәләр һәм кылган җинаятьләр өчен җавап тоту инде котылгысыз...
Режиссер – Тимур Кулов
Рәссам – Валерий Яшкулов, РФнең һәм Калмык республкасының атказанган сәнгать эшлеклесе
Пластика буенча режиссер – Алина Мостаева
Спектакль Бөек Җиңүнең 75 еллыгына багышланган.
Әсәр унбиш яшьлек үсмер егет Сәет исеменнән сөйләнә. Алга таба ул талантлы рәссам буларак үсеп җитә.Вакыйгалар кыргыз авылында, Бөек Ватан сугышының өченче елы барган чорда бара. Җәмилә – Сәетнең абыйсы Садыйкның хатыны. Сылу, ягымлы, шаян Җәмилә беркемгә дә үзен рәнҗетергә бирми, кешеләргә ул һәрчак ачык йөзле. Килен булып төшкән нигезе ныклы, кайнанасы каты куллы, ләкин гадел хуҗабикә. Кешеләр җитмәү сәбәпле Җәмиләне станциягә икмәк ташырга куялар. Аның ярдәмчеләре – Сәет белән сугыштан яраланып кайткан Данияр. Бераздан Җәмиләнең күңеле Даниярга тартыла башлый. Туктаусыз яңгырларга киткән көннәрнең берсендә Данияр белән Җәмилә авылдан качалар. Җирле халык аларны төрлечә каргый. Бары тик Сәет кенә, аларның чиста мәхәббәте шаһите буларак, Җәмилә ягында була һәм ике йөрәкнең мәхәббәт тарихын башкаларга да җиткерәсе килә. Ул шәһәргә, рәссамлыкка укырга китәргә сорый.
Режиссер – Дамир Сәмерханов, Д.Сираҗиев исемендәге премия лауреаты
Рәссам – Сергей Рябинин
Композитор – Азат Хөсәенов, ТРның атказанган сәнгать эшлеклесе
Пластика буенча режиссер – Чулпан Аскарова,БРның атказанган артисты
Спектакль Бөек Җиңүнең 75 еллыгына багышланган.
Вакыйгалар ерак Себердәге “Яшел алан” колхозында, Бөек Ватан сугышы елларында бара. Мария Уварова һәм авылның башка хатын-кызлары ирләрен сугышка озатып, тылда хезмәт куялар. Коточкыч сынаулар – ачлык, хәерчелек, ирләренең үлем хәбәре – хәммәсен үз җилкәләрендә кичерәләр. Әсәрдә батырлык һәм хыянәт, якты киләчәккә ышаныч һәм рух төшенкелеге, чиксез мәхәббәт һәм үз-үзеңне корбан итү бер-берсенә үрелеп бара.
